بالاسى اۋلادا بوقتاسا, اتا-اناعا ايىپپۇل سالىنادى – ٸٸم

كوللاج: Kazinform

بالالار كٶشەدە بوقتاپ, بەيەدەپ سٶز ايتسا, اتا-اناسى ايىپپۇل تٶلەيدٸ. ٸشكٸ ٸستەر مينيسترلٸگٸ زاڭناما جاعىن تٷسٸندٸردٸ.

بەيەدەپ سٶز ايتۋ – قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 434-بابى بويىنشا ۇساق بۇزاقىلىق. 

ەگەر بالا بوقتاپ نەمەسە بۇزاقىلىق جاساسا – جاۋاپكەرشٸلٸك اتا-اناعا جٷكتەلەدٸ. ايىپپۇل مٶلشەرٸ بالانىڭ جاسىنا بايلانىستى:

- 14–16 جاس – اتا-اناسىنا 7 ايلىق ەسەپتٸك كٶرسەتكٸش (اەك), ياعني 27 524 تەڭگە ايىپپۇل سالىنادى (قر ەقبتك 435-باپ). 
- 16–18 جاس – جاسٶسپٸرٸمنٸڭ ٶزٸنە ايىپپۇل سالىنۋى مٷمكٸن, بٸراق تابىسى بولماسا, اتا-اناسى تٶلەيدٸ. 10 اەك-كە دەيٸن, ياعني 39 320 تەڭگە (قر ەقبتك 66-باپ). 
- 12 جاسقا دەيٸن – تولىق جاۋاپكەرشٸلٸك اتا-انادا. 10–15 اەك مٶلشەرٸندە ايىپپۇل سالىنادى (39 320 – 58 980 تەڭگە) (قر ەقبتك 127-باپ). 

كٸنەنٸ دەلەلدەۋ ٷشٸن پوليتسيياعا كەلەسٸ ماتەريالداردى ۇسىنۋ كەرەك:

- كۋەگەرلەردٸڭ ارىز-شاعىمى;
- بەينە نەمەسە اۋديوجازبا;
- ينتەرنەتتە نەمەسە جازباشا تٷردەگٸ قورلاۋ جاعدايىنا قاتىستى ساراپتاما قورىتىندىسى.

ەسكە سالايىق, ەلٸمٸزدە پرانك ٷشٸن 7 جىلعا دەيٸن جازا ارقالاۋى مٷمكٸن. وسى ورايدا بلوگەرلەر مەن حالىق نەنٸ بٸلۋٸ كەرەكتٸگٸنە شولۋ جاساعان ەدٸك.