QR Bala quqyqtary jónindegi ýákili Zaǵipa Balieva zorlyqqa ushyrady delingen 7 jastaǵy ońtústikqazaqstandyq bala otbasynyń áleýmettik mártebesi týraly aitty, dep habarlaidy QazAqparat.
«Búginde ákeleri olarmen birge turmaidy. Qaida ekendigin de eshkim bilmeidi. Balanyń týý týraly kýáliginde ákesi jazylǵan, anasy da birge turmaidy. Senimhat 2017 jyldyń jeltoqsanynan ájesi men tátesinde bar jáne olar balanyń zańdy ókili sanalady. Bala olarmen úsh ailyq kezinen birge turady», - dedi Zaǵipa Balieva Ortalyq kommýnikatsiialar qyzmetindegi brifingte.
Onyń atap ótýinshe, ájesi men tátesinde balanyń quqyǵyn qorǵaýǵa qajetti barlyq quqyq bar.
«2017 jyldyń jeltoqsanynan anasynyń senimhaty boiynsha ájesi men tátesi balanyń zańdy ókili bolyp tabylady. Eger búgin olar ózderine jaýapkershilik alatyn bolsa, onda olardyń tolyq quqyqtary bar. Óitkeni, atalǵan senimhatta balaǵa qatysty mindetter men quqyqtardyń barlyǵy jazylyp, anasy qol qoiǵan jáne notariýs kýálandyrǵan. Olar OQO Saryaǵash aýdanyna qarasty Abai eldi mekeninde jeke páterde turady», - dedi Bala quqyqtary jónindegi ýákil.
