Bilim jáne ǵylym ministrliginiń mamandary balalardy mektepke qansha jastan bastap berý kerek jáne alty men jeti jasar oqýshylardyń birge oqityny qalai qabyldanady degen suraqtarǵa jaýap berdi, - dep habarlaidy Tengrinews.kz tilshisi.
"Balalardyń oqýǵa degen belsendiligi ásirese jeti jasyna deiin tiimdi, al úsh jasynda belsendi ósý kezeńinde eń jaqsy nátijelerge qol jetkizýge bolady. Búldirshinge alty jasyna deiin oqý jeńil, oqýdan lázzat alady, qosymsha motivatsiiany talap etpeidi. Balanyń kez kelgen aqparatty alty jasyna deiin jaqsy qabyldai alatyny ǵylymi dáleldengen. Nazar aýdarý, oilaý, este saqtaý jáne qabyldaý qabileti damyǵan bes jastaǵy bala da mektepke bara alady", - deidi sarapshylar.
Sonymen qatar, olardyń sózinshe, mektepke deiingi daiarlyq balalarǵa mindetti emes.
Bilim jáne ǵylym ministrliginiń málimetine sáikes, bilim berýdiń jańartylǵan mazmuny úsh kezeńdi qamtidy: aldyn ala, álipbi jáne keiingi oqý júiesi. 2013 jylǵa arnalǵan oqý josparymen salystyrǵanda, aldyn ala oqytý júiesi ulǵaiǵan.
Ministrlik ókilderiniń aitýynsha, balanyń mektepke alty jastan barý-barmaýyn tek ata-ana sheshedi.
"Búginde alty jastaǵy balalar mektepte oqyp jatyr. Statistikalyq málimetter boiynsha, olar birinshi synyp oqýshylarynyń 50,9 paiyzy. Sondyqtan balalardy qabyldaý jaily jańa ereje tek qalyptasqan tájiribeni zańdastyrady. Aldyńǵy oqý jylynda, mektepke 2018 jyldyń sońyna deiin altyǵa tolatyn balar keledi. Sonymen qatar, balanyń mektepke barý týraly sheshimin ata-ana qabyldaidy", - deidi ministrliktegiler.
Ata-ana balasy úshin mektepti ózderi tańdaýǵa quqyly dep kórsetilgen vedomstvoda. Oqý orny tolyp qalǵan jaǵdaida, olardyń qujatyn qabyldamaýǵa bolady.
"Turǵylyqty jerinen alynǵan kýálik boiynsha oqý ornyna qabyldaý alyp tastaldy. 2018 jyldyń 10 mamyrdaǵy Úkimet qaýlysynyń 8-tarmaǵy № 254 ata-analardyń kez kelgen bilim berý uiymyn tańdai alady. Biraq, eń aldymen, bilim berý mekemesiniń mańynda turatyndardy, al qalǵandaryn tek bos oryndar bolǵan jaǵdaida qabyldaidy", - delingen saýalhatqa berilgen jaýapta.
