Almatyda turǵyn úi kesheni aýlasynda jyldamdyqpen kele jatqan kólik balany qaǵyp ketti, - dep jazady Tengrinews.kz saity.
Kýágerlerdiń aitýynsha, oqiǵa Alma-siti-5 shaǵynaýdanynda bolǵan. Video áleýmettik jelide tarap ketti. Kadrlarǵa qaraǵanda, júrgizýshi aldymen joldyń qarsy betinen júgirip shyqqan balany qaǵyp, keiin oiyn alańyna soǵylǵan. Oqiǵa kezinde alańda basqa balalar bolmaǵan.
Almaty qalalyq Politsiia departamenti bul jol-kólik oqiǵasy 20 mamyrda saǵat 18:30 shamasynda "Alma Siti" shaǵynaýdanynda bolǵanyn habarlady.
Daewoo kóliginiń júrgizýshisi aýlamen batys baǵytta kele jatyp, 7 jastaǵy balany qaǵyp ketken. Bala dene jaraqattarymen qalalyq aýrýhanalardyń birine jetkizilgen.
"JKO deregin Naýryzbai aýdandyq Politsiia basqarmasynyń qyzmetkerleri tergep jatyr", - deidi Almaty qalalyq PD baspasóz qyzmeti ókilderi.
video: TengriTV
