الماتىدا تۇرعىن ٷي كەشەنٸ اۋلاسىندا جىلدامدىقپەن كەلە جاتقان كٶلٸك بالانى قاعىپ كەتتٸ, - دەپ جازادى Tengrinews.kz سايتى.
كۋەگەرلەردٸڭ ايتۋىنشا, وقيعا الما-سيتي-5 شاعىناۋدانىندا بولعان. ۆيدەو ەلەۋمەتتٸك جەلٸدە تاراپ كەتتٸ. كادرلارعا قاراعاندا, جٷرگٸزۋشٸ الدىمەن جولدىڭ قارسى بەتٸنەن جٷگٸرٸپ شىققان بالانى قاعىپ, كەيٸن ويىن الاڭىنا سوعىلعان. وقيعا كەزٸندە الاڭدا باسقا بالالار بولماعان.
الماتى قالالىق پوليتسييا دەپارتامەنتٸ بۇل جول-كٶلٸك وقيعاسى 20 مامىردا ساعات 18:30 شاماسىندا "الما سيتي" شاعىناۋدانىندا بولعانىن حابارلادى.
Daewoo كٶلٸگٸنٸڭ جٷرگٸزۋشٸسٸ اۋلامەن باتىس باعىتتا كەلە جاتىپ, 7 جاستاعى بالانى قاعىپ كەتكەن. بالا دەنە جاراقاتتارىمەن قالالىق اۋرۋحانالاردىڭ بٸرٸنە جەتكٸزٸلگەن.
"جكو دەرەگٸن ناۋرىزباي اۋداندىق پوليتسييا باسقارماسىنىڭ قىزمەتكەرلەرٸ تەرگەپ جاتىر", - دەيدٸ الماتى قالالىق پد باسپاسٶز قىزمەتٸ ٶكٸلدەرٸ.
ۆيدەو: TengriTV
