Foto: stan.kz
Semei qalasynda marǵaýdyń ólimine bailanysty jariialanǵan video áleýmettik jelilerde qyzý talqyǵa tústi. Bul týraly Ult.kz habarlaidy.
Áleýmettik jeli qoldanýshysy óz paraqshasynda marǵaýdyń qaza tapqan sáti túsirilgen videony jariialap, ony «abaisyzda bolǵan jaǵdaidan sabaq bolsyn» degen maqsatpen salǵanyn aitqan. Onyń sózinshe, janýar kir jýǵysh mashinanyń ishine baiqamai túsip ketken.
Alaida jazba jeli qoldanýshylarynyń ashýyn týǵyzdy. Kópshilik videony jariialaýdaǵy tásildi synǵa alyp, avtordy janýarlarǵa qatygezdik tanytty dep aiyptady. Keibir pikir bildirýshiler jaǵdaiǵa quqyq qorǵaý organdarynyń aralasýyn talap etken.
Keiin avtor jaǵdaiǵa qatysty túsinikteme berip, marǵaýdy úsh jasar balasynyń kir jýǵysh mashinaǵa salyp qoiǵanyn, al ózi ony baiqamai qosyp jibergenin málimdegen.
«Biz ádeii istegen joqpyz. Balam mysyqpen oinamaq bolyp, ony jasyrǵan. Men baiqamai mashinany qostym. Keiin ǵana marǵaýdy kórdim», – degen ol.
Sonymen qatar áiel jeli qoldanýshylarynan balasyn kinálamaýdy jáne otbasyna qatysty aýyr sózder aitpaýyn suraǵan.
