Foto: Ozgeris.info
Belgili ánshi Indira Elemes áleýmettik jelide Prezident Qasym-Jomart Toqaevqa, depýtattarǵa jáne qoǵamǵa arnap beineúndeý jariialady, dep habarlaidy Ult.kz HalyqUni paraqshasyna silteme jasap.
Óner iesi óz qarajatyna satyp alǵan úsh páteriniń zańsyz túrde tartyp alynǵanyn aityp, ádildik surady.
Indira Elemestiń aitýynsha, ol 2018 jyldan beri balalarymen birge Almatydaǵy «El-de-Fransko» turǵyn úi kesheninde turyp kelgen.
Alaida bul úidiń qurylys kompaniiasy — «RAMS korporatsiiasynyń» ókilderi páterdi óz attaryna qaita rásimdep, bar bolǵany 25 million teńgege satyp alǵan. Al ánshiniń sózinshe, páterdiń naqty baǵasy shamamen 125 million teńge.
Eń soraqysy, bul mámile onyń burynǵy kúieýi, qazir tergeý izoliatorynda otyrǵan Imanmadi Qalelhannyń atynan jasalǵan.
«Qalaisha túrmede otyrǵan adam erkin kelisimshartqa qol qoiyp, meni páterden shyǵaryp tastaýǵa qatysa alady? Meniń atyma tirkelgen kóligimdi de úsh ese arzan baǵamen satyp jibergen», — deidi Indira Elemes beineúndeýde.
Sonymen qatar, ol burynǵy jubaiynyń túrmeden áleýmettik jelilerge kirip, ózine jala jaýyp, týystaryna qoqan-loqy jasap otyrǵanyn da aitty.
Ánshiniń sózinshe, ol bul jaǵdaiǵa bailanysty politsiiaǵa birneshe ret shaǵymdanǵanymen, is qozǵalǵan joq.
«Men ádildik izdep politsiiaǵa bardym, biraq olar isti jaýyp tastady. Qazir men óz úiimnen balalarymmen birge qýylǵaly otyrmyn. Prezident myrza, meniń jáne balalarymnyń quqyǵyn qorǵaýyńyzdy suraimyn», – dedi Indira Elemes beineúndeýde.
