Prezidenttikke kandidat retinde usynylǵan Jigýli Dairabaevtyń uldaryna qatysty jemqorlyq boiynsha is qozǵalǵan. Marat Dairabaev pen Didar Moldaqalyq aqsha jymqyrdy degen kúdikke ilingen. Is materialdarynyń sotqa joldanǵanyn Jambyl oblystyq soty rastap otyr, dep habarlaidy Ulysmedia.kz.
“M.Dairabaev, E.Kýlkeev, E.Elibai jáne D.Moldaqalyqqa qatysty QR QK 189-baby, 4-bólimi, 2-tarmaǵy jáne 190-baby, 4-bólimi, 2-tarmaǵy boiynsha qylmystyq is Taraz qalasynyń №2 sotyna 19 qyrkúiekte kelip túsken”, – dep habarlady Jambyl oblystyq sotynyń baspasóz qyzmeti.
Ashyq derekkózderden Jigýli Dairabaevtyń úsh balasy bar ekeni belgili. Olardyń biri Marat Dairabaev Jambyl oblysynda tirkelgen "MOLBAL" JShS basqarǵan. Taǵy bir uly Dáýren Dairabaev Jambyl oblysy Ádilet departamenti basshysynyń orynbasary bolyp qyzmet atqarǵan.
Eske salsaq, Jigýli Dairabaev 20 qarashada ótetin Prezident sailaýyna alǵashqy kandidat bolyp tirkeldi. Onyń kandidatýrasyn “Aýyl” saiasi partiiasy usynǵan.
