Shymkentte kámeletke tolmaǵandarǵa qatysty zańsyz áreketterge kúdikti er adam ustaldy, dep habarlaidy ult.kz.
Polisia.kz málimetinshe, er adam internet-messendjerlerde 10-12 jastaǵy balalarmen tanysyp, ózin 14 jastaǵy jasóspirim retinde tanystyrǵan. Senimderine kirgennen keiin olarmen onlain bailanysyn jalǵastyrǵan.
Tergeý barysynda osyndai jaǵdailardyń biri anyqtalǵan. Kúdikti onlain oiyn arqyly tanysqan qyzben WhatsApp-ta sóilesip, odan intimdik sipattaǵy foto jáne beinematerialdar jiberýdi suraǵan.
Jedel-izdestirý sharalary kezinde kúdikti ustalyp, ýaqytsha ustaý izoliatoryna qamaldy. Ol kinásin moiyndaǵan.
Qazir sotqa deiingi tergeý júrip jatyr. Politsiia kúdiktiniń osyǵan uqsas basqa da áreketterge qatysy bar-joǵyn tekserýde.
IIM ata-analardy balalardyń internettegi qaýipsizdigine nazar aýdaryp, olardyń áleýmettik jelilerdegi, messendjerlerdegi jáne onlain oiyndardaǵy bailanysyn baqylaýǵa shaqyrdy.
