Densaýlyq saqtaý ministri Aqmaral Álnazarova balalardyń Ramazan aiynda oraza ustaǵany jón be degen saýalǵa jaýap berdi.
Ministrdiń aitýynsha, balanyń denesi metabolizmniń joǵarylaýyna bailanysty tez ósedi jáne energiia shyǵyny óte joǵary.
"Sondyqtan bergen energiiany der kezinde tolyqtyryp otyrýy kerek. Balanyń densaýlyǵy men onyń bolashaqta tulǵa bolyp qalyptasýyna ýaqytyly, sapaly, teńgerimdi tamaqtaný óte mańyzdy. Muny árbir ata-ana túsinýi kerek", – dedi Álnazarova.
Ministr balalaryna oraza ustaýǵa ruqsat berýdi árbir ata-ana ózi sheshetinin aitty. Aitýynsha, bul jaǵdaida balanyń jasy mańyzdy.
"Negizi bala belgili bir jasqa deiin tolyqqandy tamaqtanýy kerek, iaǵni 16-17 jasqa deiin, barlyq músheleri tolyq qalyptasqansha", – dedi ministr.
