Aqparat jáne kommýnikatsiialar ministri Dáýren Abaev Eńbek jáne halyqty áleýmettik qorǵaý ministri Mádina Ábilqasymovanyń otstavkaǵa ketýi jónindegi áleýmettik jelidegi talapqa qatysty pikirin bildirdi, dep habarlaidy "Ult aqparat"
«Tym qaiǵyly jaǵdai oryn aldy. Qaraly otbasynyń basynan keshirip jatqan kúnderin eń qorqynyshty túsińde de elestetý múmkin emes. Búkil el qazir bes búldirshinniń ata-anasymen birge qaiǵy jamylyp otyr» , - deidi Dáýren Abaev.
Sondai-aq, ministr qazirgi tańda áleýmettik jelide tarap jatqan Eńbek jáne halyqty áleýmettik qorǵaý ministri Mádina Ábilqasymovanyń otstavkaǵa ketýi týraly talaptyń ádiletsiz ekenin túsindirdi: «Alaida, meniń oiymsha, balalardyń ólimi boiynsha ministr Ábilqasymovaǵa ǵana bar kináni artý ádiletsiz bolar edi. Kelisemin, eshkim de jaýapkershilikten jaltarmaýy kerek. Ainalyp kelgende, biz - búkil memlekettik apparat - elimizde bolyp jatqan barlyq jailarǵa jaýaptymyz.
Bir nárseni túsinýimiz kerek, osy qaiǵyly oqiǵaǵa bir ǵana emes, birneshe faktor sebep boldy jáne barlyq máseleni Eńbek jáne halyqty áleýmettik qorǵaý ministrliginiń jumysy sheshe alady deýge kelmeidi. Mádina Erasylqyzynyń ózi de, áiel retinde, úsh balanyń anasy retinde bul jaǵdaidy aýyr qabyldady. Sol sebepti, tek konstrýktivti syn qalyp, arandatý toqtaidy degen úmittemin. Onyń ústine men ministr Ábilqasymovany óz isine adal kásipqoi maman retinde bilemin», - deidi Dáýren Abaev.
