Qazaqstanda 5 jasqa deiingi balalardyń maska taqpai júrýine ruqsat berildi. Bul sheshim AQSh, Avstraliia, Ulybritaniia, Frantsiia, Polsha, Germaniia, Ispaniia jáne Singapýr siiaqty elderdiń tájiribesine súiene otyr qabyldanǵan, dep habarlaidy "Ult aqparat".
«Amerika Qurama Shtattarynda maska kimeýge ruqsat etilgen jas ártúrli bolady. Mysaly, Massachýsets, Illinois, Vermont, Rod-Ailend, Pensilvaniia, Kolýmbiia okrýgi, Niý-Iork qalasynda 2 jasqa deiingi balalarǵa, al Delaverada 11 jasqa deiingi balalarǵa maska kimeýge bolady», - delingen QR Densaýlyq saqtaý ministrliginiń baspasóz habarlamasynda.
Germaniianyń kóp aimaǵynda 6 jasqa deiin, Saksoniia-Anhaltta 2 jasqa deiin maska taqpaýǵa bolsa, basqa aimaqtarynda tómengi jas belgilenbegen.
«Avstraliiada 12 jasqa deiin, Ulybritaniiada 3 jasqa deiin, Ispaniiada - 3-5 jas aralyǵynda maska taqpaýǵa bolady. Osyǵan bailanysty Densaýlyq saqtaý ministrligi maskalardy mindetti túrde kiiýge qatysty qabyldanǵan normalarǵa ózgeris engizý týraly sheshim qabyldady jáne 5 jastan asqan balalar maska kiiý kerek dep sheshti. Erejeni ázirleý kezinde DDU usynystary eskerildi», - delingen habarlamada.
Eske sala ketsek, 30 shildeden bastap qazaqstandyqtar kóshede maska taǵyp júrýge mindetteldi. Bul týraly eldiń Bas sanitarlyq memlekettik dárigeri Aijan Esmaǵambetovanyń qaýlysynda aitylǵan.
