Foto:googl.com
Búginde Qazaqstandaǵy balalar sany 6,8 mlndy quraidy eken. Resmi boljamǵa qarasaq 2027 jylǵa qarai eldegi balalar sany 8 mlnǵa ulǵaiady. Elimizde kishkentai azamattarǵa qandai jaǵdai jasalǵan? Bul týraly 1 maýsym, Halyqaralyq balalardy qorǵaý kúshinine orai Astanada ótken dóńgelek ústelde mamandar aitty dep habarlaidy "Ult Aqparat".
Balalardyń quqyqtaryn qorǵaý komitetiniń tóraǵasy Nasymjan Ospanova búgingi kúni balalardyń qaýipsiz ortasyn qalyptastyrý úshin Balalardy zorlyq-zombylyqtan qorǵaý, sýitsidtiń aldyn alý jáne olardyń quqyqtary men salamattylyǵyn qamtamasyz etý jónindegi 2023-2025 jyldarǵa arnalǵan keshendi jospar qabyldanyp, iske asyrylýda, - deidi.
Sondai-aq, «DosbolLike» ulttyq antibýllingtik baǵdarlamasy ázirlendi, 14 óńirde balalarǵa psihologiialyq qoldaý kórsetý ortalyqtary ashyldy, zorlyq-zombylyqtan zardap shekken balalardy anyqtaý jáne olarǵa kómek kórsetý boiynsha ádisteme qabyldandy. Otbasy, áielder jáne balalardyń quqyqtaryn qorǵaý máseleleri boiynsha «111» memlekettik biryńǵai senim telefony quryldy. Budan bólek, balalarǵa qatysty zorlyq-zombylyq úshin jaýapkershilik zańnamalyq deńgeide kúsheitilgenin aityp otyr.
Esterińizge sala keteiik, 15 sáýirde áielderdiń quqyqtary men balalardyń qaýipsizdigin qamtamasyz etý týraly zańǵa qabyldanǵan bolatyn.
Sonymen birge biyl Qazaqstanda Bala quqyqtary týraly Konventsiianyń qabyldanǵanyna 30 jyl toldy.
Búginde elimizde 21 387 jetim balanyń 17 660-y qazaqstandyq otbasylarda tárbielenýde. Jyl saiyn Qazaqstan azamattary otbasyna 1000-nan astam jetim balany qabyldaidy. Elimizdiń 17 qalasynda 300-den astam adam tálimger atandy. Ótken jyldyń 1 qyrkúieginen bastap 1,6 millionnan astam qazaqstandyq oqýshy, onyń ishinde 1,4 million 1-4 synyp, áleýmettik osal toptaǵy otbasylardan 200 myńnan astam 5-11 synyp oqýshysy tegin ystyq tamaqpen qamtylǵan eken.
Qazirgi ýaqytta Qazaqstanda balaly otbasylarǵa respýblikalyq biýdjet tarapynan járdemaqylardyń 5 túri tólenedi eken. Al, Memlekettik áleýmettik saqtandyrý qorynan 2 túrli tólem qamtylady, jergilikti biýdjetten az qamtylǵan otbasylarǵa ataýly áleýmettik kómek tólenedi. Bul týraly aitqan Eńbek jáne halyqty áleýmettik qorǵaý ministrligi áleýmettik kómek departamenti direktorynyń orynbasary Ǵaliia Jabaǵina:
"Sonymen birge elimizde azamattarǵa múgedektigi bar nemese asyraýshysynan aiyrylǵan jaǵdailarda áleýmettik járdemaqylar men tólemder Qazaqstan Respýblikasynyń Konstitýtsiiasy men áleýmettik qamsyzdandyrylýyna kepildik beriledi", -deidi.
Mamandardyń aitýynsha biylǵy jylǵa jospar boiynsha áleýmettik tólemder men járdemaqylar 4,4 million otbasyǵa (4 422 376) berilýi tiis ekenin anyqtap, oǵan qajetti 2 trillion 285 mlrd. teńge qarjy qarastyryldy. Bul ótken jylda jumsalǵan qarajattan 18,3%-ǵa artyq (2023 jylǵa – 1 trillion 930 mlrd. teńge).Aǵymdaǵy jyldyń 4 aiynda 3 mlnnan (3 262 499) astam otbasylarǵa áleýmettik járdemaqy nemese tólem taǵaiyndaldy.
