Balalardy kiberbýllingten qorǵaý boiynsha zańnamalyq sharalar qabyldaityn kez keldi. Bul týraly búgin Qazaqstan halqyna Joldaýyn jariia etken QR Prezidenti Qasym-Jomart Toqaev aitty, dep habarlaidy QazAqparat.
«Adam quqyǵyn qorǵaý boiynsha jańa sharalar qabyldaý asa mańyzdy. Men úshin bul problema basymdyq sanalady. Búkil álemdegidei Qazaqstan da internet qýdalaýdan azamattardyń qorǵansyzdyǵymen betpe-bet kelip otyr. Birinshi kezekte munan balalar zardap shegedi. Ásirese, olar internet-qýdalaýdy aýyr qabyldaidy. Ókinishke orai bul qaiǵyly jaittarǵa alyp keledi. Azamattardy, ásirese balalardy kiberbýllingten qorǵaý boiynsha zańnamalyq sharalar qabyldaityn kez keldi. Balalardyń quqyǵyn qorǵaityn ózge de sharalardy kúsheitip, habarlandyrý protsedýrasyna qatysty Balalar quqyǵy týraly konventsiianyń fakýltativtik hattamasyna qosylý qajet», - dedi Memleket basshysy.
QR Prezidenti azaptaýlarmen kúres jónindegi ulttyq zańnamany jetildirý máselesi de ózekti bolyp otyrǵandyǵyna nazar aýdartty.
«Azaptaǵany úshin qylmystyq jaýapkershilikti belgileitin bul qujatty Azaptaý, adamshylyqqa jatpaityn ózge de qatań is-qimylǵa qarsy halyqaralyq konventsiia erejelerine sáikestendirý qajet», - dedi Qasym-Jomart Toqaev.
