بالالاردى كيبەربۋللينگتەن قورعاۋ بويىنشا زاڭنامالىق شارالار قابىلدايتىن كەز كەلدٸ. بۇل تۋرالى بٷگٸن قازاقستان حالقىنا جولداۋىن جارييا ەتكەن قر پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«ادام قۇقىعىن قورعاۋ بويىنشا جاڭا شارالار قابىلداۋ اسا ماڭىزدى. مەن ٷشٸن بۇل پروبلەما باسىمدىق سانالادى. بٷكٸل ەلەمدەگٸدەي قازاقستان دا ينتەرنەت قۋدالاۋدان ازاماتتاردىڭ قورعانسىزدىعىمەن بەتپە-بەت كەلٸپ وتىر. بٸرٸنشٸ كەزەكتە مۇنان بالالار زارداپ شەگەدٸ. ەسٸرەسە, ولار ينتەرنەت-قۋدالاۋدى اۋىر قابىلدايدى. ٶكٸنٸشكە وراي بۇل قايعىلى جايتتارعا الىپ كەلەدٸ. ازاماتتاردى, ەسٸرەسە بالالاردى كيبەربۋللينگتەن قورعاۋ بويىنشا زاڭنامالىق شارالار قابىلدايتىن كەز كەلدٸ. بالالاردىڭ قۇقىعىن قورعايتىن ٶزگە دە شارالاردى كٷشەيتٸپ, حابارلاندىرۋ پروتسەدۋراسىنا قاتىستى بالالار قۇقىعى تۋرالى كونۆەنتسييانىڭ فاكۋلتاتيۆتٸك حاتتاماسىنا قوسىلۋ قاجەت», - دەدٸ مەملەكەت باسشىسى.
قر پرەزيدەنتٸ ازاپتاۋلارمەن كٷرەس جٶنٸندەگٸ ۇلتتىق زاڭنامانى جەتٸلدٸرۋ مەسەلەسٸ دە ٶزەكتٸ بولىپ وتىرعاندىعىنا نازار اۋدارتتى.
«ازاپتاعانى ٷشٸن قىلمىستىق جاۋاپكەرشٸلٸكتٸ بەلگٸلەيتٸن بۇل قۇجاتتى ازاپتاۋ, ادامشىلىققا جاتپايتىن ٶزگە دە قاتاڭ ٸس-قيمىلعا قارسى حالىقارالىق كونۆەنتسييا ەرەجەلەرٸنە سەيكەستەندٸرۋ قاجەت», - دەدٸ قاسىم-جومارت توقاەۆ.
