.jpg)
QR Premer-Ministriniń orynbasary Eraly Toǵjanovtyń tóraǵalyǵymen Balalar jyly aiasynda júzege asyrylatyn is-sharalar boiynsha keńes ótti, sondai-aq jazǵy demalysty uiymdastyrý men balalardyń quqyqtaryn qorǵaý máseleleri qaraldy, dep habarlaidy primeminister.kz.
Keńeske memlekettik jáne jergilikti atqarýshy organdardyń ókilderi qatysty.
Bilim jáne ǵylym vitse-ministri Ǵani Beisembaev apatty jáne úsh aýysymdy mektepter problemasyn sheshý men oqýshy oryndarynyń tapshylyǵyn joiý úshin 2022 jyly maqsatty qurylys esebinen jańa mektepterdi iske qosý josparlanǵanyn atap ótti.
Jyl saiyn balalardy jazǵy demalyspen qamtý kórsetkishi artady.
Jazǵy demalys kezinde balalardy saýyqtyrý lagerlerinde 2,3 mln qazaqstandyq oqýshy demalady. Bul ótken jylmen salystyrǵanda jarty millionǵa kóp.
Sondai-aq biyl saýyqtyrý lagerleri men alańdarynyń sany aitarlyqtai ósti.
Jalpy respýblika boiynsha 11 myńnan astam mektep janyndaǵy, qala syrtyndaǵy, shatyrly, sporttyq, kiiz úi lagerleri jumys jasaidy.
Al kúzge qarai qazaqstandyq joǵary oqý oryndaryna túsý úshin grant sany 73 myńǵa deiin artady.
Óz kezeginde vitse-premer Densaýlyq saqtaý ministrligine balalar lagerlerinde sanitariialyq-epidemiologiialyq talaptardyń saqtalýyn qamtamasyz etýdi tapsyrdy, balalardyń densaýlyǵy men qaýipsizdigi eń basty mindet ekenin atap ótti.
Budan ári Mádeniet jáne sport vitse-ministri Nurǵisa Dáýeshov vedomstvo jelisi boiynsha 9 is-shara kózdelgenin, onyń beseýi 1 mln astam balany qamti otyryp ótkizilgenin habarlady.
Biylǵy jyldyń ekinshi jartyjyldyǵynda qalǵan 4 jobany iske asyrý josparlanǵan.
Sondai-aq onyń aitýynsha, ministrlik jergilikti atqarýshy organdarmen birlesip, sport infraqurylymyn damytýdyń jospar-kestesiniń jobasyn ázirledi, oǵan 113 jańa nysan salý, 21 nysandy jańǵyrtý jáne 6 iri nysandy qosymsha jaraqtandyrý jumystary kiredi.
Eraly Toǵjanov eldiń erteńi balalardyń búgingi jaǵdaiyna bailanysty ekendigin taǵy da eske saldy.
Osyǵan bailanysty vitse-premer barlyq ýákiletti organdarǵa balalar jylyn ótkizý boiynsha jumysty kúsheitýdi tapsyrdy.
Jergilikti atqarýshy organdarǵa óńirlerde mektep salý isin jedeldetý qajettigin eskertti.
