Almatyda «Boksshy» filminiń qaiyrymdylyq kórsetilimi ótti. Bul týraly «Qazaqfilm» kinostýdiiasy málim etti, dep habarlaidy QazAqparat.
Búgin Almatyda jańa jyl merekesiniń qarsańynda Sháken Aimanov atyndaǵy «Qazaqfilm» kinostýdiiasy Kinopark kinoteatrlar jelisi, Magnum Sash&Sarry sýpermarketter jelisi jáne «Ia Almaatinets» qoǵamdyq birlestiginiń uiymdastyrýymen Almaty oblystyq №1 balalar úiiniń tárbielenýshilerine «Boksshy» filminiń qaiyrymdylyq kórsetilimin uiymdastyrdy.
Film bastalmas buryn uiymdastyrýshylar balalarǵa estelik syilyqtar syilap, tátti tartý etti.
Filmniń rejisseri Aqan Sataev pen basty róldi somdaǵan akter Smadiiar Sabyrov balalardy kele jatqan Jańa jyl merekesimen quttyqtady.
Esterińizge salaiyq, 2012 jylǵy Olimpiada chempiony Serik Sápiev týraly «Boksshy» filmi ústimizdegi jyly jeltoqsan aiynda prokatqa shyqqan bolatyn.
