Foto:kaz.vesti.kz alyndy
Elimizde «Aýyldyq aimaqtardaǵy tirek mektepterdiń áleýetin arttyrý» jobasy iske asyp keledi. Joba aýyl men qala mektepteri arasyndaǵy bilim berý sapasyndaǵy alshaqtyqty azaitýǵa jáne pedagogterdiń kásibi damýyna teń múmkindikter qalyptastyrýǵa baǵyttalǵan.Biyl jobaǵa 40 myńnan astam oqýshy bilim alatyn 56 aýyl mektebi qosyldy. Árqaisysy zamanaýi laboratoriialarmen, robototehnika, STEM-laboratoriia, fizika, himiia kabinetterimen tolyqtai jabdyqtalýda. Akt zaly men sport zalyndaǵy jihaz ben sport quraldary, ashana men muǵalimder bólmesi jańartylýda. Jalpy joba aiasynda 1848 kabinet jańartylady.
Osy rette Memleket basshysynyń tapsyrmasymen iske asyp jatqan jobalarǵa toqtalsaq.
«Art sport» baǵdarlamasy. Balalardyń sport jáne shyǵarmashylyq úiirmelerge tegin qatysýyn qamtamasyz etetin joba. Ol 2021 jyly quryldy. Baǵdarlamaǵa shamamen 100 mlrd teńge bólingen. 2023 jyly bul baǵdarlama aiasynda 560 myńnan astam bala qamtyldy. Baǵdarlama arqyly balalar bos ýaqytyn tiimdi ótkizip, olardyń sporttyq jáne shyǵarmashylyq qabiletterin damytýǵa qolaily jaǵdai jasalyp otyr. Sonymen qatar, aýyldyq jerlerde jyldam salynatyn sporttyq nysandar men infraqurylymnyń damýy da josparda bar.
«Aýyl – el besigi» baǵdarlamasy. Bul joba QR Premer-ministri Álihan Smaiylovtyń jeke qadaǵalaýynda. Baǵdarlamaǵa 2023 jyly 198 mlrd teńge bólingen. 2027 jylǵa deiin bul joba aiasynda 3,5 myń aýyldy damytý kózdelgen. Joba arqyly aýyl halqynyń 90%-y qamtylmaq.
