Biyl Mádeniet jáne sport ministrliginiń qoldaýymen «Balalar ádebietin qoldaý jyly» dep jariialanǵany belgili. Osy oraida, «Balalar ádebieti jyly» aiasynda, 10 tamyz qazaqtyń uly aqyny, hakim Abaidyń týǵan kúnine jáne Qazaqstan Respýblikasy Táýelsizdiginiń 30 jyldyǵyna orai «Jas qalamger» oqý mektebine ótinish qabyldaý jariialandy, - dep habarlaidy «Ult aqparat».
Balalar men jasóspirimder arasynda oqý saýattylyǵyn arttyrý, tabysty tulǵany, básekege qabilettilikti jáne qazirgi zamanǵy qoǵamda ózara is-qimyl jasai bilýdi qalyptastyrý, ózin-ózi taný úshin jaǵdai jasaý jáne balalar men jasóspirimderdiń tanymdyq-shyǵarmashylyq belsendiligin damytý, zamanaýi bilimin tereńdetý, Abai murasy arqyly balanyń oi-órisin keńeitý maqsatynda bastaý alǵan jobada aitýly mamandar atsalyspaq.
«Biyl «Balalar ádebietin qoldaý jyly» aiasynda túrli sharalar uiymdastyrylyp jatqany ras. Alaida bul kezeń arnaiy naýqan bolyp qalmaýy kerek. Biz osy maqsatta arnaiy jumys josparyn jasap, arnaiy baǵytpen jumys isteýge kiristik. «Jas qalamger» mektebi jastardy oqý-bilimge, ǵylymǵa baýlý maqsatynda jastardy shaqyryp otyrmyz. Bizdiń mektep Dramatýrgiia mádenieti», «Ádebiet álemi – proza janyrynda», «Til sheberligi jáne poeziia», «Ǵylym tap = Find science» (Abai shyǵarmalary arqyly aǵylshyn tilin úiretý), «Óleńge árkimniń-aq bar talasy nemese aqyn bolýdyń qupiia syrlary» boiynsha 5 baǵytta jumys isteidi», - dedi aǵylshyn tiliniń aýdarmashysy, oqytýshysy, jýrnalist, abaitanýshy Ernat Melsuly.
Aita keteiik, jobany iske asyrýǵa jazýshy, dramatýrg, Memlekettik syilyqtyń iegeri Muqanova Roza Qajyǵalymqyzy, aqyn, aýdarmashy, Memlekettik syilyqtyń iegeri – Ait Nesipbek Turysbekuly, aitysker, aqyn, filologiia ǵylymynyń kandidaty – Dúisenǵazy Serikzat Maqsutuly, aǵylshyn tiliniń aýdarmashysy, oqytýshysy, jýrnalist, abaitanýshy - Ernat Melsuly, aqyn, filologiia ǵylymynyń doktory, professor – Aimuhambet Janat Áskerbekqyzy jánede basqa jazýshylar men aqyndar, ziialy qaýym ókilderi qatysady.
«Balalar ádebieti jylynda» osyndai igi bastamaǵa arqaý bolyp otyrǵanymyzǵa shyn qýanyshtymyz. Men jazýshy, drammatýrg retinde balalardyń ádebietke degen qyzyǵýshylyǵyn jaqsy bilemin. Jáne jastardyń oqýǵa degen yntasyn arttyrýǵa atsalyspaqpyz. Balalardyń suranysyn qanaǵattandyrý da ońai sharýa emes. Qazirgi ýaqytta osy baǵytta jumys istep jatyrmyz», - dedi Memlekettik syilyqtyń iegeri Muqanova Roza Qajyǵalymqyzy.
Osy oraida aita keteiik, 10 tamyzdan bastap 5 qyrkúiekke deiin Nur-Sultan qalasynyń mektepterinde oqityn balalardan, olardyń ata-analarynan ótinish qabyldanady. Qatysýshylar sany shekteýli, 175 bala. Sondyqtan oqýǵa, damýǵa talaby zor balalar ár baǵyt boiynsha jetekshilerdiń irikteýi boiynsha qabyldanady. Kýrs 8 qyrkúiekte bastalady.
«Biz qazirgi tańda balalardyń qyzyǵýshylyǵyn zerttei kele, osyndai mektep ashýdy jón kórdik. Óitkeni qazirgi balalardyń bolmysy bólek, suranysy basqa. Sondyqtan da el aldynda qyzmet etip júrgen, eńbegi sińgen mamandardy jumysqa tarttyq. Óitkeni balanyń kóńilinen shyǵý ońai emes. Eger balańyz oqý-bilimge, ǵylymǵa, ádebietke qyzyqsa, bizdiń ortalyq sózsiz jol kórsete alatynyna senemiz», - dedi «Jas qalamger» oqý mektebi jobasynyń úilestirýshisi Marat Muhamedjanuly.
Esterińizge sala keteiik, Biyl Mádeniet jáne sport ministrliginiń qoldaýymen «Balalar ádebietin qoldaý jyly» dep jariialanǵany belgili. Osy oraida, «Balalar ádebieti jyly» aiasynda, 10 tamyz qazaqtyń uly aqyny, hakim Abaidyń týǵan kúnine jáne Qazaqstan Respýblikasy Táýelsizdiginiń 30 jyldyǵyna orai «Jas qalamger» oqý mektebine ótinish qabyldaý jariialandy. Balalar men jasóspirimder arasynda oqý saýattylyǵyn arttyrý, tabysty tulǵany, básekege qabilettilikti jáne qazirgi zamanǵy qoǵamda ózara is-qimyl jasai bilýdi qalyptastyrý, ózin-ózi taný úshin jaǵdai jasaý jáne balalar men jasóspirimderdiń tanymdyq-shyǵarmashylyq belsendiligin damytý, zamanaýi bilimin tereńdetý, Abai murasy arqyly balanyń oi-órisin keńeitý maqsatynda bastaý alǵan jobada aitýly mamandar atsalyspaq.
