Biyl «Balalar ádebietin qoldaý jyly» ekeni barshańyzǵa belgili. Osy oraida Almaty qalasyndaǵy Ulttyq kitaphanada qazaq halyq shyǵarmashylyǵyn zertteýshi jáne jazýshy Nysanbek Tórequlovtyń 100 jyldyǵyna arnalǵan «Qazaq sheshenderiniń kemeńgeri» atty kitap kórmesi ótti, - dep habarlaidy «Ult aqparat».
Atalǵan kórme Ulttyq kitaphananyń «Qazaqstan kitaptary» qyzmetiniń Oraz Jandosov atyndaǵy oqý zalynda uiymdastyryldy.
«Biyl «Balalar ádebietin qoldaý jyly» ǵana emes, filologiia ǵylymdarynyń doktory, qazaq halyq shyǵarmashylyǵyn zertteýshi jáne jazýshy Nysanbek Tórequlovtyń 100 jyldyǵy eskerilip jatyr. Bizdiń kitaphananyń qorynda Nysanbek Tórequlov týraly onyń ǵylymi eńbekteri men maqalalary, áńgimeleri men ocherkteri, sondai-aq merzimdi basylym betterindegi ol týraly estelikterinen turatyn 200-den astam materialdar bar», - dedi Ulttyq kitaphananyń direktory Baqytjamal Ospanova.
Sonymen, zertteýshi ǵalym jáne jazýshynyń ómiri men shyǵarmashylyq qyzmetimen tanystyrý, nasihattaý, sondai-aq oqyrmandardyń nazaryn osy tulǵa týraly kóbirek bilýge aýdarý maqsatynda uiymdastyrylǵan kórmege kitaphana qyzmetkerleri men oqyrmanda qatysty. Ulttyq kitaphananyń turaqty oqyrmany Alma Ultanbekova kórmeniń jastarǵa bereri mol ekenin atap ótti.
«Men Ulttyq kitaphanaǵa jii kelemin. Kitap kórmeleri kóptep uiymdastyrylatynyna kýámin. Al búgingi kórmeniń erekshe, óitkeni taýdai kisiniń 100 jyldyǵy men «balalar ádebietin qoldaý jylynyń» tuspa-tus kelýi tegin emes. Balalar ádebieti kishkentai áńgimeler men taqpaqtar dep tanýymyz jón emes. Balalar ádebieti degen óte úlken taqyryp. Bul naýqandyq taqyryp emes, bolashaqtyq taqyryp dep bilemin», - dedi Alma Ultanbekova.
Aita keteiik, «Qazaq sheshenderiniń kemeńgeri» atty kitap kórmesi N.Tórequlovtyń ómirbaianyna arnalǵan bólimder – entsiklopediialar, otbasylyq fotosýretter, soǵys jyldaryndaǵy fotosýretter jáne ol týraly ádebiettermen ashylady. Kórmeniń kelesi bólimi ǵylymi qyzmeti, ǵalym-zertteýshiniń eń tanymal jáne mańyzdy jumystaryn qamtidy. N.Tórequlovtyń qazaq halqy biler sotynyń shyǵarmashylyǵyna jáne qazaq halqynyń folkloryn, onyń kórnekti ókilderiniń biri Jambyl Jabaevtyń shyǵarmashylyǵyn zertteýge arnalǵan eńbekteri qazaq ádebiettanýynyń damýyna qosqan eleýli úlesi bolyp tabylady.
Kitaphana qyzmetkerleriniń aitýynsha, kórmeniń úshinshi bólimi N.Tórequlovtyń jazýshylyq qyzmetine arnalǵan. Ol Uly Otan soǵysy kezindegi qazaq batyrlarynyń patriottyq erlikteri týraly Baýyrjan Momyshuly, Aǵadil Sýhanbaev, Sadyq Ábdijapparov, Beisen Ońtaev, Qarsybai Sypataev jáne komissar Habi Haliýllin týraly kóptegen áńgimeler men ocherkter jazdy.
Esterińizge sala keteiik, Biyl «Balalar ádebietin qoldaý jyly» ekeni barshańyzǵa belgili. Osy oraida Almaty qalasyndaǵy Ulttyq kitaphanada qazaq halyq shyǵarmashylyǵyn zertteýshi jáne jazýshy Nysanbek Tórequlovtyń 100 jyldyǵyna arnalǵan «Qazaq sheshenderiniń kemeńgeri» atty kitap kórmesi ótti. Atalǵan kórme Ulttyq kitaphananyń «Qazaqstan kitaptary» qyzmetiniń Oraz Jandosov atyndaǵy oqý zalynda uiymdastyryldy. Osylaisha zertteýshi ǵalym jáne jazýshynyń ómiri men shyǵarmashylyq qyzmetimen tanystyrý, nasihattaý, sondai-aq oqyrmandardyń nazaryn osy tulǵa týraly kóbirek bilýge aýdarý maqsatynda uiymdastyrylǵan kórmege kitaphana qyzmetkerleri men oqyrmanda qatysty. «Qazaq sheshenderiniń kemeńgeri» atty kitap kórmesi N.Tórequlovtyń ómirbaianyna arnalǵan bólimder – entsiklopediialar, otbasylyq fotosýretter, soǵys jyldaryndaǵy fotosýretter jáne ol týraly ádebiettermen ashylady.
