Qazaqstandaǵy memlekettik emhanalardyń birinde dáriger áleýmettik jelige balaǵat sózder qoldanylǵan videolaryn jariialaǵany úshin jumystan shyǵarylǵan. Alaida kassatsiialyq sot jumys berýshiniń sheshimin zańsyz dep tanyp, dárigerdiń eńbek quqyqtaryn qalpyna keltirdi, dep habarlaidy ult.kz.
Azamattyq ister jónindegi kassatsiialyq sot materialdaryna sáikes, áiel 2023 jyldyń tamyz aiynan bastap memlekettik emhanada dáriger bolyp jumys istegen. Alaida 2025 jylǵy 8 tamyzda jumys berýshi onymen eńbek shartyn buzǵan.
Buǵan dárigerdiń áleýmettik jelige jariialaǵan videolary sebep bolǵan. Jazbalarda áieldiń balaǵat sózder qoldanǵany kórsetilgen.
Jumys berýshi dárigerdi Qazaqstan Respýblikasy Eńbek kodeksiniń 52-baby 1-tarmaǵynyń 4-1-tarmaqshasyna sáikes, iaǵni kásibi qyzmetke qoiylatyn talaptarǵa sáikes kelmeidi degen negizben jumystan bosatqan.
Dáriger bul sheshimmen kelispei, sotqa júgindi. Ol burynǵy qyzmetine qaita ornalastyrýdy jáne májbúrli túrde jumyssyz qalǵan kezeńi úshin jalaqy tóleýdi talap etti.
Alaida birinshi jáne apelliatsiialyq satydaǵy sottar jumys berýshiniń ýájin qoldady.
Isti kassatsiialyq tártipte qaraǵan sot bul sheshimderdiń kúshin joidy. Sýdialar jumys berýshi dárigerdiń áleýmettik jelidegi balaǵat sózderi onyń kásibi turǵydan talapqa sai emestigin dáleldeitin naqty derekter usynbaǵanyn atap ótti.
Sonymen qatar, sot jumys berýshiniń dárigerdiń kásibi qyzmetine qatysty buryn eshqandai shaǵymy bolmaǵanyn eskerdi.
Osylaisha, azamattyq ister jónindegi kassatsiialyq sot dárigerdiń talap-aryzyn qanaǵattandyryp, onyń eńbek quqyqtaryn qalpyna keltirdi.
