Aqparat jáne qoǵamdyq damý ministri Aida Balaeva qaiyrymdylyqty qoldaý turǵysyndaǵy basymdyqtar týraly aitty, dep habarlaidy QazAqparat.
«Árine, qaiyrymdylyq pen metsenattyqty qoldaý, sondai-aq volonterlik qyzmetti damytý – memlekettiń uzaq merzimdi basymdyǵy», - dedi ministr «Qaiyrymdy ister marafonynyń» bastalýyna arnalǵan is-sharada.
Osy oraida ol ótken jyl volonterlik belgisimen ótkenin, bul baǵyttaǵy qaiyrymdylyq ister qozǵalysy ainalasynda qazaqstandyqtardyń eleýli bóligi birikkenin eske saldy.
«Bul rette kóptegen qaiyrymdylyq ári volonterlik jobalar dálel bolyp otyr. Bul jobalar elimizdiń qarapaiym azamattarynyń bastamasy boiynsha qamtyldy. Búginde osy 100 myńǵa jýyq adam úshin halyqqa kómek kórsetý joǵary gýmanistik akti ǵana emes, sonymen qatar ómir súrý normasy jáne adamgershilik umtylysy boldy», - dedi ministr.
Budan buryn habarlanǵandai, búgin elordada donorlar men metsenattardyń qatysýymen «Qaiyrymdy ister marafony» bastaldy.
Aita keteiik, «Qaiyrymdy ister marafony» bastamasyn Memleket basshysy Qasym-Jomart Toqaev kótergen bolatyn.
