Qoǵam úshin jaǵymdy jáne tanymdyq aqparattyq keńistik qalyptastyrý qajet. Bul týraly Memlekettik hatshy Qyrymbek Kósherbaevtyń tóraǵalyǵymen ótken Qoǵamdyq sanany jańǵyrtý jónindegi ulttyq komissiia otyrysynda QR Aqparat jáne qoǵamdyq damý ministri Aida Balaeva aitty, dep habarlaidy QazAqparat.
«Jumystyń tiimdiligi, eń aldymen, oǵan jasalǵan jaǵdaiǵa bailanysty. Tájiribe kórsetip otyrǵandai, qai jerde ákim «Rýhani jańǵyrýdy» durys túsinip, jumysty jeke baqylaýyna alsa, sol óńirlerde baǵdarlamanyń nátijeligi de joǵary. Mysaly, Almaty, Qostanai oblystarynda júieli jumys kórinip tursa, Mańǵystaý, Batys-Qazaqstan siiaqty óńirlerde bulai aita almaisyń. Sondyqtan da, oblystarda jańadan qurylǵan «Rýhani jańǵyrý» memlekettik mekemelerin materialdyq-tehnikalyq turǵydan da, kásibi maman tartý jaǵynan da turaqty qoldaýy qajet» , - dedi ministr.
Onyń atap ótýinshe, elimizde bolyp jatqan sońǵy oqiǵalar áleýmettik jelilerdi qoldaný mádenietin damytýdyń ózekti ekenin kórsetti.
«Qoǵam úshin jaǵymdy jáne tanymdyq aqparattyq keńistik qalyptastyrý qajet. Bul oraida aqparatty jyldam jetkizýdiń mańyzy zor. Sondyqtan da, «Rýhani jańǵyrý» jobalaryna jaýapty barlyq memlekettik organdarǵa birinshi kezekte internet keńistiginde, áleýmettik jeli paraqshalarynda jumysty kúsheitý kerek « , - dedi Aida Balaeva.
Eske sala keteiik, Memlekettik hatshy Qyrymbek Kósherbaevtyń tóraǵalyǵymen ótken komissiia otyrysynda «Rýhani jańǵyrý» baǵdarlamasyn odan ári tereńdetip, Ulttyq jańǵyrý kezeńine ótkizýdiń arnaiy Jol kartasyn jasaý qajet degen sheshim qabyldandy. Bul qujat asa mańyzdy ulttyq joba retinde júrgiziledi.
Ulttyq jańǵyrý jobasynyń eń basty máni – ulttyń básekege qabiletin arttyrý. Bul – ulttyq jańǵyrýdyń strategiialyq maqsaty bolyp qalady.
Jol kartasynda Memlekettik til mártebesin arttyrý, Bilim jáne ǵylymdy damytý, Joǵary ulttyq jáne jalpyadamzattyq qundylyqtar negizinde rýhani-adamgershilik jáne patriottyq tárbie berý, Eńbek adamyn qalyptastyrý, Aýyldy túletý siiaqty keshendi is-sharalar qamtylady.
Memlekettik hatshy otyrysty qorytyndylai kele, «Rýhani jańǵyrý» baǵdarlamasynyń basym baǵyttary boiynsha jumysty odan ári jandandyrý boiynsha naqty tapsyrmalar berdi.
