Azamattyq qoǵam memlekettik organdar men úkimettik emes uiymdar arasyndaǵy yntymaqtastyq úshin bedeldi alań retinde ózin kórsete bildi. Bul týraly búgin IX Azamattyq forým jumysyn bastap bergen QR Aqparat jáne qoǵamdyq damý ministri Aida Balaeva aitty, dep habarlaidy QazAqparat.
«Bizdiń ministrliktiń qoldaýymen Qazaqstannyń Azamattyq aliansy kúshimen ótkiziletin forým bedeldi ókildik retinde ózin kórsete bildi. Eń bastysy memlekettik organdarmen úkimettik emes uiymdar arasyndaǵy ózara tiimdi yntymaqtastyqty jolǵa qoiýdyń mańyzdy alańyna ainaldy», - dedi ministr.
Sonymen qatar ol elimizdiń úkimettik emes uiymdaryna qazirgi álemdik pandemiia jaǵdaiyna qaramastan jan-jaqty qoldaý kórsetilip otyrǵandyǵyn basa aitty.
«Bul túrli ýaqytsha qiyndyqqa qaramastan bizdiń ózara is-qimylymyzdyń túrli salasyndaǵy uzaqmerzimdi múddelestikti bildiredi. Sondyqtan da bilik organdary, sarapshylyq qoǵamdastyq, iskerlik orta jáne azamattyq qoǵam ókilderi arasyndaǵy dialogtyń bola beretindigine ári teń quqyly yntymaqtastyqty, senim men ál-aýqatty odan ary damytýǵa septigin tigizerine kúmán keltirmeimin. Osy turǵyda jahandyq ózgerister dáýirindegi turaqty áleýmettik damýǵa túrli syn-tegeýirinderdi eńserý úshin birlesip sheshim izdeý eń ózekti mindetterdiń biri sanalady», - dedi Aida Balaeva.
