Eldegi balabaqshalarda 20 minýttyq sabaqtar ornyna oiyn jáne kommýnikatsiia ádistemesi engiziledi. Úkimet otyrysynda QR Bilim jáne ǵylym ministri Ashat Aimaǵambetov osyndai josparymen bólisti, dep habarlaidy QazAqparat.
«Osyǵan deiin kishkentai balalarǵa mekteptegi siiaqty kestege sáikes 20 minýttyq sabaqtar júrgizilip kelgen bolsa, endi jańa model boiynsha pedagog oqytý men tárbieleýdi balanyń baqshaǵa kelgen tusynan bastap, osy jastaǵy balalardyń fiziologiialyq jáne psihologiialyq qajettilikteri boiynsha oiyn jáne kommýnikatsiialar arqyly arnaiy ádistememen iske asyratyn bolady. Sheteldik tájiribelerdiń zertteýleri de osy ádistemeniń mańyzdylyǵyn kórsetip otyr», - dedi vedomstvo basshysy.
Sondai-aq, ol balabaqshalardyń sapasyn qamtamasyz etý úshin olarǵa degen talaptar kúsheitiletin atady.
«Iaǵni materialdyq-tehnikalyq baza, beinebaqylaý júiesi, pedagogterdiń biliktiligi, sanitariialyq, órtke qarsy normalarǵa sáikestigi, osynyń bári memlekettik tapsyrysty berýdiń basty talaptary bolady. Sonyń ishinde jekemenshik balabaqshalardan da balalarǵa qolaily jaǵdai jasaý talap etiledi.
Úshinshiden, balabaqshalardaǵy oryndardy bólý kezindegi ashyqtyqty qamtamasyz etý úshin, oblystardaǵy elektrondy kezekterdiń bári endi respýblika boiynsha biryńǵai bazaǵa enip, biriktiriletin bolady», - dedi Ashat Aimaǵambetov.
