Karantin rejimi aiaqtalǵansha epidemiologiialyq jaǵdaiǵa orai mektepke deiin bilim berý uiymdaryna qatysty sheshim qabyldanady, - dep habarlaidy «Ult aqparat».
Bul týraly Ortalyq kommýnikatsiialar qyzmetinde ótken onlain brifingte QR Bilim jáne ǵylym ministri Ashat Aimaǵambetov aitty.
«Karantin merzimi sozylǵanyn bárimiz bilemiz. Soǵan sáikes mektepke deiingi uiymdar jumys istemeidi. Karantin ýaqyty aiaqtalǵanǵa deiin epidemiologiialyq jaǵdaiǵa bailanysty sheshim qabyldanady. Sonyń ishinde mektepke deiin bilim berý uiymdaryna da qatysty sheshim qabyldanady. Biz osy boiynsha belsendi jumys isteitin bolamyz. Bul jerde de mańyzdysy - balalardyń qaýipsizdigi», - deidi Bilim jáne ǵylym ministri Ashat Aimaǵambetov.
Onyń aitýynsha, bastaýysh synyptar tamaqpen qamtamasyz etilmeidi.
«Sebebi sabaq qatań karantin sharalarymen uiymdastyrylady. Tamaq berilgen jaǵdaida balalarǵa qaýip tónedi. Oqýshylar oqý, jazý, esepteý siiaqty negizgi sabaqty mektepte, mýzyka, sýret siiaqty qosymsha sabaqtardy úide onlain rejimde oqidy. Demek mekteptń oqý júktemesi aýyr bolmaidy», - dep atap ótti ol.
