Foto: Pexels.com
Qazaqstan Respýblikasynyń Oqý-aǵartý ministrligi mektepke deiingi uiymdarda 2025-2026 oqý jylyna toptardy jinaqtaý qalai júrgiziletinin habarlady. Balalardy qabyldaý 31 tamyzǵa deiin júrgiziledi, dep habarlaidy Ult.kz.
Vaýcherlik qarjylandyrý júiesi engizilgen óńirlerde vaýcherlerdi bólý kezek jańartylǵannan keiin, naqtyraq aitqanda, 1 shildeden bastap júzege asady.
Bul Taraz, Túrkistan, Shymkent, Oral, Astana, Semei, Óskemen, Jezqazǵan, Qaraǵandy, Pavlodar, Petropavl, Qostanai, Qonaev, Qosshy, Taldyqorǵan qalalaryna, sondai-aq Baizaq, Saryaǵash, Jetisai, Sairam, Qazyǵurt jáne Maqtaaral aýdandaryna qatysty.
Vaýcher alý úshin qajet:
1. Kelisimdi 2 jumys kúni ishinde rastaý kerek.
Vaýcher rastalmaǵan jaǵdaida ótinish belsendi emes bolyp esepteledi, al ata-ana nemese zańdy ókil ony 28 kúntizbelik kún ishinde tek bir ret qaita qalpyna keltire alady.
2. Balabaqshany tańdap, qujattardy jinap, kelisimshartty 5 jumys kúni ishinde rásimdeý qajet.
Eger vaýcherden bas tartsa, kezek joiylady. Eger qalaǵan balabaqshada bos oryn bolmasa, ata-ana balany «kútý paraǵyna» qoia alady. Bos oryn paida bolǵan jaǵdaida jeke kabinetke jańa habarlama jiberiledi.
Qalǵan óńirlerde jas erekshelikteri boiynsha toptar jinaqtaý 1 tamyzdan bastalady. Bos oryn týraly habarlamalar aldymen kezekte turǵandarǵa beriledi. Ata-anaǵa joldamany rastaýǵa nemese odan bas tartýǵa 2 kún beriledi. Eger joldama rastalsa, 5 jumys kúni ishinde qujattardy tapsyryp, kelisimshart jasaidy. Qajet bolǵan jaǵdaida joldamany 30 kúntizbelik kúnge deiin bir ret uzartýǵa bolady.
Eger qujattardyń tolyq paketi usynylmasa, merzimi ótip ketken bolsa nemese ekpe almaǵan balalar sany ruqsat etilgen mólsherden asyp ketse, balabaqsha qujattardy qabyldaýdan bas tartýǵa quqyly. Qujattardy aldyn ala tekserip, jeke kabinettegi habarlamalardy qadaǵalap otyrý qajet ekeni eskertiledi.
