فوتو: Pexels.com
قازاقستان رەسپۋبليكاسىنىڭ وقۋ-اعارتۋ مينيسترلٸگٸ مەكتەپكە دەيٸنگٸ ۇيىمداردا 2025-2026 وقۋ جىلىنا توپتاردى جيناقتاۋ قالاي جٷرگٸزٸلەتٸنٸن حابارلادى. بالالاردى قابىلداۋ 31 تامىزعا دەيٸن جٷرگٸزٸلەدٸ, دەپ حابارلايدى Ult.kz.
ۆاۋچەرلٸك قارجىلاندىرۋ جٷيەسٸ ەنگٸزٸلگەن ٶڭٸرلەردە ۆاۋچەرلەردٸ بٶلۋ كەزەك جاڭارتىلعاننان كەيٸن, ناقتىراق ايتقاندا, 1 شٸلدەدەن باستاپ جٷزەگە اسادى.
بۇل تاراز, تٷركٸستان, شىمكەنت, ورال, استانا, سەمەي, ٶسكەمەن, جەزقازعان, قاراعاندى, پاۆلودار, پەتروپاۆل, قوستاناي, قوناەۆ, قوسشى, تالدىقورعان قالالارىنا, سونداي-اق بايزاق, سارىاعاش, جەتٸساي, سايرام, قازىعۇرت جەنە ماقتاارال اۋداندارىنا قاتىستى.
ۆاۋچەر الۋ ٷشٸن قاجەت:
1. كەلٸسٸمدٸ 2 جۇمىس كٷنٸ ٸشٸندە راستاۋ كەرەك.
ۆاۋچەر راستالماعان جاعدايدا ٶتٸنٸش بەلسەندٸ ەمەس بولىپ ەسەپتەلەدٸ, ال اتا-انا نەمەسە زاڭدى ٶكٸل ونى 28 كٷنتٸزبەلٸك كٷن ٸشٸندە تەك بٸر رەت قايتا قالپىنا كەلتٸرە الادى.
2. بالاباقشانى تاڭداپ, قۇجاتتاردى جيناپ, كەلٸسٸمشارتتى 5 جۇمىس كٷنٸ ٸشٸندە رەسٸمدەۋ قاجەت.
ەگەر ۆاۋچەردەن باس تارتسا, كەزەك جويىلادى. ەگەر قالاعان بالاباقشادا بوس ورىن بولماسا, اتا-انا بالانى «كٷتۋ پاراعىنا» قويا الادى. بوس ورىن پايدا بولعان جاعدايدا جەكە كابينەتكە جاڭا حابارلاما جٸبەرٸلەدٸ.
قالعان ٶڭٸرلەردە جاس ەرەكشەلٸكتەرٸ بويىنشا توپتار جيناقتاۋ 1 تامىزدان باستالادى. بوس ورىن تۋرالى حابارلامالار الدىمەن كەزەكتە تۇرعاندارعا بەرٸلەدٸ. اتا-اناعا جولدامانى راستاۋعا نەمەسە ودان باس تارتۋعا 2 كٷن بەرٸلەدٸ. ەگەر جولداما راستالسا, 5 جۇمىس كٷنٸ ٸشٸندە قۇجاتتاردى تاپسىرىپ, كەلٸسٸمشارت جاسايدى. قاجەت بولعان جاعدايدا جولدامانى 30 كٷنتٸزبەلٸك كٷنگە دەيٸن بٸر رەت ۇزارتۋعا بولادى.
ەگەر قۇجاتتاردىڭ تولىق پاكەتٸ ۇسىنىلماسا, مەرزٸمٸ ٶتٸپ كەتكەن بولسا نەمەسە ەكپە الماعان بالالار سانى رۇقسات ەتٸلگەن مٶلشەردەن اسىپ كەتسە, بالاباقشا قۇجاتتاردى قابىلداۋدان باس تارتۋعا قۇقىلى. قۇجاتتاردى الدىن الا تەكسەرٸپ, جەكە كابينەتتەگٸ حابارلامالاردى قاداعالاپ وتىرۋ قاجەت ەكەنٸ ەسكەرتٸلەدٸ.
