Keshe QR BǴM Balalardyń quqyqtaryn qorǵaý komitetiniń tóraǵasy Esenǵazy Imanǵaliev pen Balalar quqyqtary jónindegi shtattan tys keńesshi Raisa Sher «Mariiam» jekemenshik uiymynda oqityn 1-synyp oqýshysyna qatysty mán-jailardy zertteý úshin Almatyǵa ushyp keldi, - dep habarlaidy "Ult aqparat" komitettiń jelidegi paraqshasyna silteme jasap.
"Olar oqýshynyń otbasyna bardy. Balaǵa psihologiialyq kómek kórsetilip jatyr. Sondai-aq komitet qyzmetkerleri Almaty qalasynyń quqyq qorǵaý organdarynyń ókilderimen kezdesti.
Qazir qalalyq politsiia departamenti tergeý jumystaryn júrgizip jatyr jáne zorlyq-zombylyq áreketteriniń jasalǵanyn anyqtaý úshin saraptama taǵaiyndaldy" - delingen habarlamada.
Sonymen qatar "Mariiam" jekemenshik uiymynyń ákimshiligimen jáne ustazdarymen áńgime júrgizilgen.
"Qurylǵan komissiianyń tekserý nátijesi boiynsha oqý-tárbie jumysyn uiymdastyrýda, balalardyń qaýipsizdigin qamtamasyz etýde (beinebaqylaýdy qamtamasyz etý boiynsha tiisti talaptardy saqtamaý), qajetti sanitarlyq-gigienalyq talaptardy qurýda (synypta jaryqtyń nasharlyǵy, jeldetý júiesiniń bolmaýy jáne t.b.) birqatar tártip buzýshylyq anyqtaldy", - dep atap ótti Balalardyń quqyqtaryn qorǵaý komiteti.
Qazirgi ýaqytta tekserý jumystary jalǵasyp jatyr. Onyń qorytyndysy boiynsha sharalar qabyldanady.
