Nur-Sultan Politsiia departamenti 8-qabattan qulaǵan kishkentai qyzdy qutqarý oqiǵasynyń mán-jaiyn aitty, - dep habarlaidy Tengrinews.kz tilshisi.
Búgin, 11 mamyrda saǵat 10.25-te "102" pýltine Uly Dala dańǵyly boiyndaǵy "Qamal" turǵyn úi kesheniniń 8-qabatyndaǵy terezede bala ilinip turǵany týraly habarlama túsken.
"Oqiǵa ornyna dereý politseiler shyqty. Sol kezde osy úidiń turǵyny 36 jastaǵy Sábit Shontaqbaev jumysqa ketip bara jatqan. Er adam aýlada jurt erekshe kóp ekenin, al 8-qabattyń terezesinde jylaǵan bala ilinip turǵanyn baiqaǵan. Er adam esh oilanbastan ishke júgirip, 7-qabattaǵy kórshi úige barǵan. Ol óz ómirin qaterge tigip, terezege shyǵyp, tártip saqshylary kelgenge deiin balany qaǵyp aldy", - dedi politsiia ókilderi.
Politseiler 3 jasar bala úide jalǵyz bolǵanyn aitty.
"Bala terezeniń astyna jumsaq oiynshyqtar men jastyqtardy jinap, tereze aldyna shyǵyp, qalqanshaǵa ilinip qalǵan. Nur-Sultan qalasynyń Politsiia departamenti qala turǵynyna belsendi azamattyq ustanymy úshin alǵysyn bildiredi", - dep tolyqtyrdy vedomstvo ókilderi.
PD málimetinshe, balanyń anasymen profilaktikalyq áńgime júrgizilgen.
"Politsiia eresekterge qarapaiym qaýipsizdik erejelerin saqtaýdy usynady. Balalardy eshqashan qaraýsyz qaldyrmańyz, balalardyń ashyq tereze mańynda oinaýyna jol bermeńiz. Tereze tutqalaryn alyp qoiyńyz nemese arnaiy qulypty paidalanyńyz, tereze blokatorlaryn ornatyńyz. Esińizde bolsyn, balańyzdyń ómiri men densaýlyǵy sizdiń qolyńyzda", - dep qorytyndylady politseiler.
Buǵan deiin Nur-Sultanda er adam 8-qabattyń terezesinen qulaǵan qyzdy qutqaryp qalǵany habarlanǵan edi.
