Almatyda jeti ailyq sábidiń jumbaq ólimine qatysty is sotta qaralyp jatyr, dep habarlaidy ult.kz.
Kópbalaly ana kenje qyzyn omyraýdan shyǵarý maqsatynda úsh kúnge bala kútýshisine qaldyrǵan. Alaida arada birneshe saǵat ótkende náresteniń qaitys bolǵany týraly sýyt habar jetken.
Jábirlenýshi ananyń aitýynsha, oqiǵa ornyna jetken kezde sábi úidiń zalynda jatqan. Al sotta jariialanǵan saraptama qorytyndysynda náresteniń moiyn tusynan tunshyqtyrylǵan belgiler anyqtalǵany aityldy.
Bala kútýshisi kúdikti retinde qamaýǵa alynǵanymen, ózine taǵylǵan aiypty moiyndamai otyr. Onyń qorǵaýshysy sot barysynda balanyń densaýlyǵyna qatysty óz ýájderin keltirgen. Al jábirlenýshi tarap kináli adam zań aldynda qatań jaýap berýi tiis dep esepteidi.
Is boiynsha sot protsesi áli jalǵasýda. Náresteniń ólimine naqty kimniń kináli ekeni sottyń túpkilikti sheshiminen keiin belgili bolady. Eger bala kútýshisiniń kinási tolyq dáleldense, oǵan Qazaqstan zańnamasynda kózdelgen eń qatań jaza – ómir boiyna bas bostandyǵynan aiyrý jazasy taǵaiyndalýy múmkin.
