الماتىدا جەتٸ ايلىق سەبيدٸڭ جۇمباق ٶلٸمٸنە قاتىستى ٸس سوتتا قارالىپ جاتىر, دەپ حابارلايدى ult.kz.
كٶپبالالى انا كەنجە قىزىن ومىراۋدان شىعارۋ ماقساتىندا ٷش كٷنگە بالا كٷتۋشٸسٸنە قالدىرعان. الايدا ارادا بٸرنەشە ساعات ٶتكەندە نەرەستەنٸڭ قايتىس بولعانى تۋرالى سۋىت حابار جەتكەن.
جەبٸرلەنۋشٸ انانىڭ ايتۋىنشا, وقيعا ورنىنا جەتكەن كەزدە سەبي ٷيدٸڭ زالىندا جاتقان. ال سوتتا جارييالانعان ساراپتاما قورىتىندىسىندا نەرەستەنٸڭ مويىن تۇسىنان تۇنشىقتىرىلعان بەلگٸلەر انىقتالعانى ايتىلدى.
بالا كٷتۋشٸسٸ كٷدٸكتٸ رەتٸندە قاماۋعا الىنعانىمەن, ٶزٸنە تاعىلعان ايىپتى مويىنداماي وتىر. ونىڭ قورعاۋشىسى سوت بارىسىندا بالانىڭ دەنساۋلىعىنا قاتىستى ٶز ۋەجدەرٸن كەلتٸرگەن. ال جەبٸرلەنۋشٸ تاراپ كٸنەلٸ ادام زاڭ الدىندا قاتاڭ جاۋاپ بەرۋٸ تيٸس دەپ ەسەپتەيدٸ.
ٸس بويىنشا سوت پروتسەسٸ ەلٸ جالعاسۋدا. نەرەستەنٸڭ ٶلٸمٸنە ناقتى كٸمنٸڭ كٸنەلٸ ەكەنٸ سوتتىڭ تٷپكٸلٸكتٸ شەشٸمٸنەن كەيٸن بەلگٸلٸ بولادى. ەگەر بالا كٷتۋشٸسٸنٸڭ كٸنەسٸ تولىق دەلەلدەنسە, وعان قازاقستان زاڭناماسىندا كٶزدەلگەن ەڭ قاتاڭ جازا – ٶمٸر بويىنا باس بوستاندىعىنان ايىرۋ جازاسى تاعايىندالۋى مٷمكٸن.
