Senator Sáýle Aitpaeva UNICEF ókilimen kezdesti,dep habarlaidy "Ult aqparat" Senattyń baspasóz qyzmetine silteme jasap.
3 maýsym kúni Parlament Senatynyń depýtaty, Qazaqstan Respýblikasyndaǵy bala quqyqtary jónindegi ýákil Sáýle Aitpaeva qyzmetiniń aiaqtalýyna bailanysty UNICEF-tiń Qazaqstandaǵy ókili Iýrii Oksamitnyidy qabyldady.
Kezdesý aiasynda bala quqyqtaryn qorǵaý men ilgeriletý salasyndaǵy ózara is-qimyldyń nátijeleri, sondai-aq Qazaqstan Respýblikasynyń balalardyń quqyqtaryn jan-jaqty qorǵaý men qamtamasyz etý máseleleri jónindegi UNICEF-pen biryńǵai saiasatynyń sabaqtastyǵy talqylandy.
Senator Elbasymyz N.Á.Nazarbaev pen Prezident Q.Toqaevtyń tarapynan elimizdegi balalardyń jaǵdaiy máselelerine erekshe nazar aýdarylǵanyn atap ótti. Memlekettik áleýmettik saiasat Ata zańǵa, «Bala quqyqtary týraly» konventsiianyń erejeleri men halyqaralyq mindettemelerge sáikes balanyń dene bitimi men intellektýaldyq damýyn, rýhani, adamgershilik jáne áleýmettik turǵyda tolyqqandy bolyp ósýin qamtamasyz etýge baǵyttalǵan.
Kezdesý qorytyndysy boiynsha taraptar birlesken tabysty qyzmet pen belsendi áriptestik úshin alǵys aityp, balalardyń quqyqtaryn qorǵaý salasynda yntymaqtastyqty jalǵastyrýǵa niet bildirdi.
