Memleket basshysynyń tapsyrmasymen QR Premer-Ministri Baqytjan Saǵyntaev jumys saparymen Qaraǵandy oblysyna bardy, dep habarlaidy "Ult aqparat" primeminister.kz portalyna silteme jasap.
Onda Úkimet basshysy «Qazaqstannyń úshinshi jańǵyrýy: jahandyq básekege qabilettilik» Joldaýy men Elbasynyń «Bolashaqqa baǵdar: rýhani jańǵyrý» baǵdarlamalyq maqalasyndaǵy mindetterdi iske asyrý barysymen tanysady.
Sondai-aq Baqytjan Saǵyntaev óńirdegi birqatar ónerkásiptik jáne óndiristik nysandardy aralaidy, olardyń ishinde metallýrgiialyq kremnii shyǵaratyn «Tau-Ken Temir» JShS, sútti qaita óńdeitin jáne sút ónimderin óndiretin «Nátije» sút fabrikasy» JShS, sondai-aq nan-toqash ónimderin óndiretin «Saryarqa nan» JShS kásiporyndary bar.
Baqytjan Saǵyntaev Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýy aiasynda iske asyrylyp jatqan Qazaqstannyń ónerkásiptik kásiporyndaryn tehnologiialyq jańǵyrtý máseleleri jóninde respýblikalyq keńes, «Atameken» Kásipkerler palatasynyń Óńirlik keńesi múshelerimen shaǵyn jáne orta biznesti damytý máseleleri boiynsha kezdesý, sondai-aq monoqalalardy damytý jóninde keńes ótkizedi dep kútilýde.
