Búgin Qazaqstan Respýblikasynyń Premer-Ministri Baqytjan Saǵyntaev QR Prezidenti Nursultan Nazarbaevtyń Qaýlysymen qaita uiymdastyrylǵan Densaýlyq saqtaý jáne áleýmettik damý ministrliginiń ujymyna densaýlyq saqtaý ministri Eljan Birtanov pen eńbek jáne halyqty áleýmettik qorǵaý ministri Tamara Dúisenovany tanystyrdy, - dep habarlaidy "Ult aqparat".
Úkimettiń jańa múshelerin tanystyra otyryp, Premer-Ministr Memleket basshysy Úkimet pen qaita qurylǵan ministrlikterdiń aldyna densaýlyq saqtaý jáne halyqty áleýmettik qorǵaý salasyn ári qarai damytýǵa bailanysty mindetter qoiǵanyn aityp ótti.
Baqytjan Saǵyntaev biyldan bastap Prezident tapsyrmasy boiynsha nátijeli jumyspen qamtý men jappai kásipkerlikti damytýdyń jańa baǵdarlamasyn iske asyrý jumystary bastalatynyn aitty. Densaýlyq saqtaý salasynda Mindetti áleýmettik meditsinalyq saqtandyrý qory qurylǵan.
Premer-Ministr jańa ministrlerdiń kásibi tájiribelerin atap ótip, olardyń basshylyǵymen Ministrlikter Memleket basshysynyń tapsyrmalaryn tiimdi atqarýdy jalǵastyratynyna senim bildirdi.
