Búgin QR Premer-Ministri Baqytjan Saǵyntaev Tashkentte Táýelsiz memleketter dostastyǵynyń úkimetteri basshylary keńesiniń otyrysyna qatysty, dep habarlaidy "Ult aqparat" Úkimet basshysynyń baspasóz qyzmetine silteme jasap.
Shara qarsańynda, 2 qarasha kúni keshke, Baqytjan Saǵyntaev Ózbekstan Respýblikasynyń Prezidenti Shavkat Mirziioevpen kezdesti. Kezdesý barysynda saýda-ekonomikalyq yntymaqtastyqty damytý jáne kólik-tranzittik, aýyl sharýashylyǵy, energetika salalaryndaǵy birlesken jobalardy iske asyrý máseleleri talqylandy.
Shaǵyn quramdaǵy otyrys aiasynda ekonomikalyq ózara is-qimyl men TMD-ǵa qatysýshy elderdiń saýda-ekonomikalyq qarym-qatynasyn nyǵaitýǵa jaǵdailar jasaý boiynsha ózekti máseleler talqylandy. Sonymen qatar saýda kedergilerin odan ári azaitý men saýda men kooperatsiia áleýetin ashýǵa qatysty sharalar qaraldy.
Keńeitilgen quramda ótken otyrysta úkimettik delegatsiialardyń basshylary TMD erkin saýda aimaǵy týraly kelisimsharttyń iske asyrylý barysyn, munai-gaz mashinasyn jasaý, jerdi melioratsiialaý, taýarlardyń kedendik qunyna baqylaý ornatý, halyqaralyq kartelderge ózara tiimdi is-qimyl sharalaryn damytý jáne t. b. máselelerdi qarady. Sondai-aq, uiymdastyrýshylyq sipattaǵy birqatar qujattar talqylandy. Budan ózge, TMD úkimetteri basshylary keńesiniń kezekti otyrysyn 2018 jyldyń kókteminde Tájikstan Respýblikasynda ótkizý týraly sheshim qabyldandy.
QR Premer-Ministri Baqytjan Saǵyntaev ÓR Premer-Ministri Abdýlla Aripovpen Qazaqstan men Ózbekstan prezidentteri arasyndaǵy kelisimderdi iske asyrý máseleleri boiynsha kezdesý ótkizdi. Taraptar ekijaqty yntymaqtastyqty damytý, óńiraralyq ózara is-qimyldy, ásirese shekara mańy aýmaqtarynda kúsheitý máselelerin talqylady. Taýar ainalymy kólemin ulǵaitýǵa erekshe kóńil bólindi. Sondai-aq, mashina jasaý jáne avtomobil qurastyrý, azamattyq aviatsiia, farmatsevtika salalarynda investitsiialyq ózara bailanysty keńeitý, kólik-tranzittik infraqurylymdy damytý sharalary, sonymen qatar áskeri-tehnikalyq jáne aeroǵarysh salalaryndaǵy birlesken jumystardyń keleshegi qaraldy.
Tashkenttegi Táýelsiz memleketter dostastyǵynyń úkimetteri basshylarynyń keńesi otyrysynyń qorytyndysy boiynsha birqatar qujattarǵa qol qoiyldy, olardyń ishinde:
• TMD-ǵa qatysýshy memleketterde taýarlardyń kedendik qunyn anyqtaý jáne baqylaýǵa qajetti aqparatpen almasý týraly kelisim;
• TMD aiasynda terrorizmmen jáne ekstremizmniń ózge de kúshteý sharalarymen, sondai-aq, olardy qarjylandyrýmen kúres salasynda aqparatpen almasý týraly kelisim;
• TMD-ǵa qatysýshy memleketterdiń jerdi melioratsiialaý salasyndaǵy yntymaqtastyǵynyń tujyrymdamasy jáne ony iske asyrý boiynsha birinshi kezekti sharalardyń jospary;
• TMD-ǵa qatysýshy memleketterdiń munai-gaz mashinasyn jasaý salasyndaǵy yntymaqtastyǵynyń tujyrymdamasy jáne ony iske asyrý boiynsha birinshi kezekti sharalardyń jospary;
• TMD-ǵa qatysýshy elderde 2020 jylǵy kezeńde halyq sanaǵyn júrgizýge daiarlyq barysy týraly;
• 2020 jylǵa deiin TMD-ǵa qatysýshy elderde meditsinalyq-áleýmettik kómek kórsetýdi jáne jergilikti shielenisterge qatysqan soǵys ardagerleri men olardyń otbasy músheleriniń ómir sapasyn arttyrýdy odan ári damytýdyń negizgi baǵyttaryn iske asyrý boiynsha sharalar josparyn 2018 jyly qarjylandyrý týraly.
Budan ózge, TMD-da taýarlardyń shyǵarylǵan elin anyqtaý erejeleri týraly, halyqaralyq avtokólik tasymaldaýshylarynyń kásibi biliktiligi men qosymsha oqytylýyna talaptardyń úilesimdiligi týraly, memleketterdiń úilestirýshilik kólik keńesteri týraly keibir kelisimderge ózgerister engizildi.
Anyqtama: Biyl Qazaqstan men Ózbekstan arasyndaǵy diplomatiialyq qarym-qatynastyń ornaǵanyna 25 jyl tolady. 2018 jyly Qazaqstanda Ózbekstan jyly ótedi. Eki el arasyndaǵy syrtqy saýda ainalymy 2017 jyldyń segiz aiynda $1,2 mlrd (eksport — $747 mln) qurady, ótken jyldyń osy kezeńindegi ósim kórsetkishi 31% qurady.
