بٷگٸن قر پرەمەر-مينيسترٸ باقىتجان ساعىنتاەۆ تاشكەنتتە تەۋەلسٸز مەملەكەتتەر دوستاستىعىنىڭ ٷكٸمەتتەرٸ باسشىلارى كەڭەسٸنٸڭ وتىرىسىنا قاتىستى, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
شارا قارساڭىندا, 2 قاراشا كٷنٸ كەشكە, باقىتجان ساعىنتاەۆ ٶزبەكستان رەسپۋبليكاسىنىڭ پرەزيدەنتٸ شاۆكات ميرزييوەۆپەن كەزدەستٸ. كەزدەسۋ بارىسىندا ساۋدا-ەكونوميكالىق ىنتىماقتاستىقتى دامىتۋ جەنە كٶلٸك-ترانزيتتٸك, اۋىل شارۋاشىلىعى, ەنەرگەتيكا سالالارىنداعى بٸرلەسكەن جوبالاردى ٸسكە اسىرۋ مەسەلەلەرٸ تالقىلاندى.
شاعىن قۇرامداعى وتىرىس اياسىندا ەكونوميكالىق ٶزارا ٸس-قيمىل مەن تمد-عا قاتىسۋشى ەلدەردٸڭ ساۋدا-ەكونوميكالىق قارىم-قاتىناسىن نىعايتۋعا جاعدايلار جاساۋ بويىنشا ٶزەكتٸ مەسەلەلەر تالقىلاندى. سونىمەن قاتار ساۋدا كەدەرگٸلەرٸن ودان ەرٸ ازايتۋ مەن ساۋدا مەن كووپەراتسييا ەلەۋەتٸن اشۋعا قاتىستى شارالار قارالدى.
كەڭەيتٸلگەن قۇرامدا ٶتكەن وتىرىستا ٷكٸمەتتٸك دەلەگاتسييالاردىڭ باسشىلارى تمد ەركٸن ساۋدا ايماعى تۋرالى كەلٸسٸمشارتتىڭ ٸسكە اسىرىلۋ بارىسىن, مۇناي-گاز ماشيناسىن جاساۋ, جەردٸ مەليوراتسييالاۋ, تاۋارلاردىڭ كەدەندٸك قۇنىنا باقىلاۋ ورناتۋ, حالىقارالىق كارتەلدەرگە ٶزارا تيٸمدٸ ٸس-قيمىل شارالارىن دامىتۋ جەنە ت. ب. مەسەلەلەردٸ قارادى. سونداي-اق, ۇيىمداستىرۋشىلىق سيپاتتاعى بٸرقاتار قۇجاتتار تالقىلاندى. بۇدان ٶزگە, تمد ٷكٸمەتتەرٸ باسشىلارى كەڭەسٸنٸڭ كەزەكتٸ وتىرىسىن 2018 جىلدىڭ كٶكتەمٸندە تەجٸكستان رەسپۋبليكاسىندا ٶتكٸزۋ تۋرالى شەشٸم قابىلداندى.
قر پرەمەر-مينيسترٸ باقىتجان ساعىنتاەۆ ٶر پرەمەر-مينيسترٸ ابدۋللا اريپوۆپەن قازاقستان مەن ٶزبەكستان پرەزيدەنتتەرٸ اراسىنداعى كەلٸسٸمدەردٸ ٸسكە اسىرۋ مەسەلەلەرٸ بويىنشا كەزدەسۋ ٶتكٸزدٸ. تاراپتار ەكٸجاقتى ىنتىماقتاستىقتى دامىتۋ, ٶڭٸرارالىق ٶزارا ٸس-قيمىلدى, ەسٸرەسە شەكارا ماڭى اۋماقتارىندا كٷشەيتۋ مەسەلەلەرٸن تالقىلادى. تاۋار اينالىمى كٶلەمٸن ۇلعايتۋعا ەرەكشە كٶڭٸل بٶلٸندٸ. سونداي-اق, ماشينا جاساۋ جەنە اۆتوموبيل قۇراستىرۋ, ازاماتتىق اۆياتسييا, فارماتسەۆتيكا سالالارىندا ينۆەستيتسييالىق ٶزارا بايلانىستى كەڭەيتۋ, كٶلٸك-ترانزيتتٸك ينفراقۇرىلىمدى دامىتۋ شارالارى, سونىمەن قاتار ەسكەري-تەحنيكالىق جەنە اەروعارىش سالالارىنداعى بٸرلەسكەن جۇمىستاردىڭ كەلەشەگٸ قارالدى.
تاشكەنتتەگٸ تەۋەلسٸز مەملەكەتتەر دوستاستىعىنىڭ ٷكٸمەتتەرٸ باسشىلارىنىڭ كەڭەسٸ وتىرىسىنىڭ قورىتىندىسى بويىنشا بٸرقاتار قۇجاتتارعا قول قويىلدى, ولاردىڭ ٸشٸندە:
• تمد-عا قاتىسۋشى مەملەكەتتەردە تاۋارلاردىڭ كەدەندٸك قۇنىن انىقتاۋ جەنە باقىلاۋعا قاجەتتٸ اقپاراتپەن الماسۋ تۋرالى كەلٸسٸم;
• تمد اياسىندا تەرروريزممەن جەنە ەكسترەميزمنٸڭ ٶزگە دە كٷشتەۋ شارالارىمەن, سونداي-اق, ولاردى قارجىلاندىرۋمەن كٷرەس سالاسىندا اقپاراتپەن الماسۋ تۋرالى كەلٸسٸم;
• تمد-عا قاتىسۋشى مەملەكەتتەردٸڭ جەردٸ مەليوراتسييالاۋ سالاسىنداعى ىنتىماقتاستىعىنىڭ تۇجىرىمداماسى جەنە ونى ٸسكە اسىرۋ بويىنشا بٸرٸنشٸ كەزەكتٸ شارالاردىڭ جوسپارى;
• تمد-عا قاتىسۋشى مەملەكەتتەردٸڭ مۇناي-گاز ماشيناسىن جاساۋ سالاسىنداعى ىنتىماقتاستىعىنىڭ تۇجىرىمداماسى جەنە ونى ٸسكە اسىرۋ بويىنشا بٸرٸنشٸ كەزەكتٸ شارالاردىڭ جوسپارى;
• تمد-عا قاتىسۋشى ەلدەردە 2020 جىلعى كەزەڭدە حالىق ساناعىن جٷرگٸزۋگە دايارلىق بارىسى تۋرالى;
• 2020 جىلعا دەيٸن تمد-عا قاتىسۋشى ەلدەردە مەديتسينالىق-ەلەۋمەتتٸك كٶمەك كٶرسەتۋدٸ جەنە جەرگٸلٸكتٸ شيەلەنٸستەرگە قاتىسقان سوعىس ارداگەرلەرٸ مەن ولاردىڭ وتباسى مٷشەلەرٸنٸڭ ٶمٸر ساپاسىن ارتتىرۋدى ودان ەرٸ دامىتۋدىڭ نەگٸزگٸ باعىتتارىن ٸسكە اسىرۋ بويىنشا شارالار جوسپارىن 2018 جىلى قارجىلاندىرۋ تۋرالى.
بۇدان ٶزگە, تمد-دا تاۋارلاردىڭ شىعارىلعان ەلٸن انىقتاۋ ەرەجەلەرٸ تۋرالى, حالىقارالىق اۆتوكٶلٸك تاسىمالداۋشىلارىنىڭ كەسٸبي بٸلٸكتٸلٸگٸ مەن قوسىمشا وقىتىلۋىنا تالاپتاردىڭ ٷيلەسٸمدٸلٸگٸ تۋرالى, مەملەكەتتەردٸڭ ٷيلەستٸرۋشٸلٸك كٶلٸك كەڭەستەرٸ تۋرالى كەيبٸر كەلٸسٸمدەرگە ٶزگەرٸستەر ەنگٸزٸلدٸ.
انىقتاما: بيىل قازاقستان مەن ٶزبەكستان اراسىنداعى ديپلوماتييالىق قارىم-قاتىناستىڭ ورناعانىنا 25 جىل تولادى. 2018 جىلى قازاقستاندا ٶزبەكستان جىلى ٶتەدٸ. ەكٸ ەل اراسىنداعى سىرتقى ساۋدا اينالىمى 2017 جىلدىڭ سەگٸز ايىندا $1,2 ملرد (ەكسپورت — $747 ملن) قۇرادى, ٶتكەن جىلدىڭ وسى كەزەڭٸندەگٸ ٶسٸم كٶرسەتكٸشٸ 31% قۇرادى.
