QR Premer-Ministri Baqytjan Saǵyntaev Shyǵys Qazaqstan oblysyna jumys sapary barysynda kásipkerlermen kezdesý ótkizdi. Kezdesý barysynda memlekettik satyp alýlar júiesin odan ári damytýdyń ózekti suraqtary talqylandy, - dep habarlaidy "Ult aqparat".
QR Premer-Ministri Baqytjan Saǵyntaev Úkimet saiasaty elimizdegi ekonomikalyq ósimdi qozǵaýshy kúshke ainalýy tiisti, biznes pozitsiialardy nyǵaitýǵa negizdelgenin aityp ótti.
Baqytjan Saǵyntaev memlekettik satyp alýlar júiesin jetildirý jolynda jumystardyń atqarylǵanyn, soǵan orai Qazaqstannyń úsh oblysynda memlekettik satyp alýlar kezinde qazynashylyq súiemeldeýdiń pilottyq jobasy engiziletinin habarlady. Bul qurylys sapasyn arttyrýǵa jáne iske asyrylatyn jobalarǵa otandyq kásiporyndardyń qatysý úlesin ulǵaitýǵa múmkindik beredi.
Budan ózge, qazirgi ýaqytta ortalyqtandyrylǵan qyzmet qaǵidasy boiynsha memlekettik satyp alýlardy júzege asyrý máseleleri pysyqtalýda. Ol dál ólshemderdi bekitip, rásimderdiń aiqyndyǵyn arttyrýǵa múmkindik beredi.
Sondai-aq, QR Premer-Ministri B. Saǵyntaev kásipkerlerge satyp alýlardyń IT-platformasy qurylatynyn aitty. Ol bizneske óz óndirisin tiimdi josparlap, uiymdastyrýǵa múmkindik beretin, memlekettik jáne kvazimemlekettik sektorlardyń ortaq satyp alýlaryna qoljetimdiliktiń biryńǵai orny.
Keńes barysynda Shyǵys Qazaqstan oblysy ákiminiń birinshi orynbasary N. Saqtaǵanov jáne biznes-qaýymdastyqtardyń ókilderi sóz sóiledi, sonyń ishinde «Atameken» Ulttyq kásipkerler palatasynyń basqarma tóraǵasy A. Myrzahmetov, ShQO Kásipkerler palatasynyń direktory I. Shatskii, «Almaty jeldetkishter zaýyty» JShS Direktorlar keńesiniń tóraǵasy M. Baqqulov, Jihaz jáne aǵash óńdeý ónerkásibi kásiporyndary Qaýymdastyǵynyń prezidenti E. Sadyqov jáne «ESKO» JShS direktory A. Shmarin bar.
Kezdesý qatysýshylary ónerkásiptiń túrli salalarynda memlekettik satyp alýlar júiesin damytý jónindegi óz usynystaryn aitty.
Jalpy Baqytjan Saǵyntaev QR Úkimeti júielik negizde kásipkerlik ahýaldy jetildirý men biznestiń iskeri belsendiligin yntalandyrý boiynsha jumystar júrgizip jatqanyn atap ótti. Osy oraida elimizdiń árbir júie quraýshy kásiporny boiynsha jergilikti qamtý kólemin ulǵaitý jumystary jalǵastyrylady. Budan ózge, kásipkerlerge qarjylyq jáne zańnamalyq qoldaý kórsetý sharalary usynylatyn bolady. QR Úkimeti biznes shyǵyndaryn qysqartý men qaita retteý jumystaryn jalǵastyrady.
.jpeg)