Búgin Astanada Qazaqstan Respýblikasynyń Premer-Ministri Baqytjan Saǵyntaev kompaniianyń atqarýshy direktory Ben Van Berden basshylyǵymen «Roial Datch Shell Pls» ókilderimen kezdesý ótkizdi, dep habarlaidy "Ult aqparat" Úkimet basshysynyń baspasóz qyzmetine silteme jasap.
Kezdesý barysynda yntymaqtastyq máseleleri men «Shell» kompaniiasymen Qazaqstannyń munai-gaz salasynda birlesken jobalardy iske asyrý máseleleri talqylandy.
Aita keteiik, «Shell» niderlandy-britan energetikalyq kontserni 1997 jylǵy 18 qarashada qol qoiylǵan, Soltústik Kaspii boiynsha ónimderdi bólý týraly kelisim (SK ÓBK) qatysýshylarynyń biri.
SK ÓBK boiynsha kelisimsharttyq aýmaqta myna ken oryndary ornalasqan: Qashaǵan, Qalamqas-teńiz, Aqtoty, Qairan jáne Ońtústik-Batys Qashaǵan.
