QR Prezidenti Ákimshiligine jańa basshy keldi, dep habarlaidy "Ult aqparat" Aqordaǵa silteme jasap.
"Baqytjan Ábdiruly Saǵyntaev QR Prezidenti Ákimshiliginiń Basshysy bolyp taǵaiyndaldy, ol QR Memlekettik hatshysy qyzmetinen bosatyldy" delingen resmi habarlamada.
Aita ketsek, Baqytjan Saǵyntaev 1963 jyly 13 qazanda Jambyl oblysy Talas aýdany Úsharal aýylynda týdy.
S.M. Kirov atyndaǵy Qazaq memlekettik ýniversitetin bitirdi, ekonomika ǵylymdarynyń kandidaty.
Eńbek jolyn Alma-Ata halyq sharýashylyǵy institýtynyń saiasi ekonomika kafedrasynyń oqytýshysy bolyp bastady.
1988-1992 jyldar aralyǵynda S.M. Kirov atyndaǵy Qazaq memlekettik ýniversitetinde jumys istedi, assistent laýazymynan áleýmettaný kafedrasynyń dotsentine deiingi joldy ótti.
1992 jyldan 1998 jylǵa deiin kásipkerlik qyzmetpen ainalysty.
1998 jyly Jambyl oblysy ákiminiń orynbasary bolyp taǵaiyndaldy.
1999 jyldan 2002 jylǵa deiin Qazaqstan Respýblikasynyń Shaǵyn biznesti qoldaý jónindegi agenttigi tóraǵasynyń orynbasary, «Shaǵyn kásipkerlikti damytý qory» JAQ basqarmasynyń tóraǵasy, Qazaqstan Respýblikasynyń tabiǵi monopoliialardy retteý, básekelestikti qorǵaý jáne shaǵyn biznesti qoldaý jónindegi agenttigi tóraǵasynyń orynbasary laýazymdarynda qyzmet etti.
2002 jyldan 2004 jylǵa deiin Qazaqstan Respýblikasynyń tabiǵi monopoliialardy retteý jáne básekelestikti qorǵaý jónindegi agenttigi tóraǵasynyń birinshi orynbasary bolyp jumys istedi.
2004 jyldan 2007 jylǵa deiin – Qazaqstan Respýblikasynyń tabiǵi monopoliialardy retteý jónindegi agenttiginiń tóraǵasy boldy.
2007 jyldan 2008 jylǵa deiin Qazaqstan Respýblikasy Premer-Ministri Keńsesiniń basshysy boldy.
2008 jylǵy 30 qyrkúiekte Pavlodar oblysynyń ákimi bolyp taǵaiyndaldy.
2012 jyldyń 20 qańtarynda – Qazaqstan Respýblikasynyń ekonomikalyq damý jáne saýda ministri bolyp taǵaiyndaldy.
2012 jyldyń 24 qyrkúieginen bastap – «Nur-Otan» HDP Tóraǵasynyń birinshi orynbasary bolyp qyzmet etti.
2013 jyldyń 16 qańtarynda Memleket basshysynyń Jarlyǵymen QR Premer-Ministriniń birinshi orynbasary - Óńirlik damý ministri bolyp taǵaiyndaldy.
2013 jyldyń 6 qarashasynda Memleket basshysynyń Jarlyǵymen Premer-Ministrdiń Birinshi orynbasary - QR Óńirlik damý ministri qyzmetinen bosatylyp, QR Premer-Ministriniń Birinshi orynbasary bolyp taǵaiyndaldy.
2016 jylǵy 9 qyrkúiekten bastap 2019 jylǵy 21 aqpanǵa deiin QR Premer-Ministri qyzmetin atqardy.
2019 jylǵy 1 naýryzda Memleket basshysynyń Jarlyǵymen Qazaqstan Respýblikasynyń Memlekettik hatshysy bolyp taǵaiyndaldy.
«Qurmet», «Parasat» ordenderimen jáne mereitoilyq medaldarmen marapattalǵan.
Úilengen, eki balasy bar.
