Búgin Úkimet úiinde Qazaqstan Respýblikasynyń Premer-Ministri Baqytjan Saǵyntaev OMV kompaniiasynyń basqarma tóraǵasy Rainer Zelemen kezdesý ótkizdi, dep habarlaidy "Ult aqparat" primeminister.kz portalyna silteme jasap.
Kezdesý barysynda kompaniiamen yntymaqtastyq ornatý jáne Qazaqstanda birqatar birlesken investitsiialyq jobalardy iske asyrý máseleleri talqylandy.
Aita keteiik, OMV kompaniiasy - Avstriianyń eń kólemdi listingtik ónerkásiptik kompaniialarynyń biri, Ortalyq Eýropadaǵy iri munai kompaniiasy. OMV Atyraý oblysynda polietilen óndirý jobasyn iske asyrýdy josparlap júrgen Borealis kompaniiasynyń 36% aktsiiasyna ie.
OMV aktsionerleri: Mubadala (Ábý-Dabi) - 24,9%, ÖBIB (avstriialyq memlekettik ónerkásiptik holdingi) - 31,5% jáne aktsiialarynyń 43,6%-y erkin ainalymda.
Kompaniia Qazaqstanda 2004 jyldan beri qyzmet isteidi jáne ol Mańǵystaý oblysyndaǵy Komsomolskoe, Tasbolat, Aqtas, Túrikmenoi ken oryndarynda jer qoinaýyn paidalaný quqyǵyna ie «Kom-Munai» JShS (95%, 5% - qazaqstandyq seriktester), «Tasbolat Oil Korporeishn» JShS (100%) qatysýshysy.
Kompaniianyń barlyq kezeńdegi investitsiialary milliardtan astam dollarǵa teń.
.jpeg)