Búgin QR Premer-Ministri Baqytjan Saǵyntaev jumys saparymen Almaty oblysyn aralap júr. Tranzittik áleýettiń damýymen tanysý maqsatynda Qazaqstan-Qytai shekarasyndaǵy «Nur Joly» (QR) - Qorǵas (QHR) ótkizý pýnkti men «Qorǵas» shekara mańy yntymaqtastyǵy halyqaralyq ortalyǵynyń birqatar nysandaryna bardy, dep habarlaidy "Ult aqparat" oblys ákiminiń baspasóz qyzmetine silteme jasap.
«Nur Joly» - Elbasy N. Nazarbaevtyń «Nurly jol» baǵdarlamasy aiasynda júzege asyrylǵan «Batys Eýropa - Batys Qytai» aýqymdy jobasynyń sońǵy qorytyndysy jáne Ortalyq Aziia aýmaǵyndaǵy eń úlken ótkizý pýnkti. Qytaidyń «Bir beldeý, bir jol» bastamasymen úilesken Prezidenttiń memlekettik baǵdarlamasy eń aldymen Uly Jibek jolyn jańǵyrtýdy kózdeidi. Almaty oblysynyń Panfilov aýdanyndaǵy ótkizý pýnkti arqyly Qytai Halyq Respýblikasymen aýyr jáne jeńil avtokólikter, sondai-aq jolaýshylar avtobýstary shekaradan ótedi.
B. Saǵyntaev ótkizý pýnktiniń jumys oryndaryn qarap, negizgi tehnikalyq áleýetimen tanysty. Bul aýqymdy zamanaýi kólik-logistikalyq ortalyqtyń qurylysy 2017 jyly bastalǵan, al osy jyldyń 27 qyrkúieginde ashylý saltanaty ótti. Jobanyń qurylysy memlekettik-jekemenshik áriptestik qaǵidaty boiynsha iske asyryldy.
«Nur Joly» ótkizý pýnkti tehnikalyq jabdyqtalý, kólik quraldarynyń ótý jyldamdyǵy jáne baqylaý júiesin engizý boiynsha teńdessiz bolyp sanalady. Toqtaýsyz jumys isteitin, avtomattandyrylǵan baqylaý jáne tirkeý júiesi bar zamanaýi qural-jabdyqtardyń arqasynda júk kólikterin kedendik jáne shekaralyq rásimdeý ýaqyty 40 minýtqa deiin qysqartylady. QR Qarjy ministrligi Memlekettik kirister komiteti tóraǵasynyń orynbasary G. Amrinniń aitýynsha, keshenniń jalpy qurylymy kólik qozǵalysynyń eki baǵytynda jumys kúnderi 2500 kólik quralyn ótkizýge qaýqarly. Onyń ishinde 2200 júk kóligi, 300 jolaýshy kóligi bar. Bul tranzittik aǵyndardyń edáýir ulǵaiýyna múmkindik berdi.
Bolashaqta jańa pýnkt táýligine 5000 kólikke deiin ótkize alatyn bolady. Mundai ótkizý pýnkti bar iri saýda dáliziniń paida bolýy elimizdiń investitsiialyq tartymdylyǵyn arttyryp, óńirlik ekonomikanyń damýyna qýatty serpin bermek.
Sondai-aq, Baqytjan Saǵyntaev shekara mańy yntymaqtastyǵynyń halyqaralyq ortalyǵynyń jumysymen de tanysty. Joba Qazaqstan men Qytai memleket basshylarynyń bastamasymen júzege asyrylýda. Maqsat - eki el arasyndaǵy saýda-ekonomikalyq, investitsiialyq, ǵylymi-tehnikalyq jáne mádeni yntymaqtastyqty damytý. «Qorǵas» ShYHO jalpy aýmaǵy 560 gektar bolatyn eki memlekettiń shekaralas aýmaqtarynda ornalasqan jáne memlekettik shekara arqyly ótetin «Arnaiy ótkel» arqyly qosylǵan qazaqstandyq jáne qytai bólikterinen turady. Jobanyń biregeiligi - Ortalyqtyń aýmaǵynda adamdar, taýar jáne kólik quraldary vizasyz erkin qozǵala alady.
«Qorǵas» ShYHO prezidenti Q. Jazinniń aitýynsha, eki el turǵyndary tarapynan 2012 jyldyń sáýir aiynda ashylǵan ortalyqqa degen qyzyǵýshylyq jyl saiyn artyp keledi. Halyqaralyq ortalyqtyń aýmaǵyna kirý tártibin jeńildetý úshin biraz jumystar atqaryldy. Máselen, 2016 jyldyń qarasha aiynan bastap, azamattarǵa «Qorǵas» ShYHO aýmaǵyna kirýge tek jeke kýálik pen balanyń týý týraly kýáligi (bir ata-anasy janynda bolǵan jaǵdaida) ǵana kerek. 2018 jyldyń qańtarynan qyrkúiek aiyna deiin eki jaqtan kelýshilerdiń jalpy sany 1 mln adamnan asqan.
Qazirgi tańda «Qorǵas» ShYHO» AQ aýdany 236 ga bolatyn rezervtegi aýmaqtardy qosýdy qarastyratyn qurylystyń bas josparyna túzetýler engizý jumystaryn aiaqtady. Jańa bas josparǵa sáikes, kópfýnktsiialy saýda úilerin jáne halyqaralyq iskerlik yntymaqtastyqqa arnalǵan ortalyqtardy, sondai-aq, mádeni almasý oryndaryn, bilim jáne ǵylymi oqytý ortalyqtaryn, sporttyq-saýyqtyrý infraqurylymy bar demalys oryndaryn salý josparda bar.
«Qorǵas» ShYHO málimetine sáikes, Ortalyq aýmaǵynda jalpy quny shamamen 356 mlrd teńge bolatyn 27 investitsiialyq nysan bar. Paidalanýǵa berilgen saýda úileriniń jalpy aýdany 24 663 m2 quraidy. 2018 jyldyń sońyna qarai aýdany shamamen 40 000 m2 bolatyn 2 investitsiialyq nysannyń qurylysyn aiaqtaý kózdelgen.
Budan ózge «Qorǵas» ShYHO-nyń qazaqstandyq bóliginde naqty salyq jeńildikteriniń paketi bar arnaiy ekonomikalyq aimaq qurylǵan. ShYHO-ǵa AEA mártebesin berý kásipkerlik qyzmetti damytýǵa jáne investitsiialar tartýǵa qolaily jaǵdailar jasaidy. «Qorǵas» ShYHO AEA-nyń bolashaq qatysýshylary áleýmettikten ózge, negizgi salyqtardy tóleýden bosatylady. Osy jáne basqa da jeńildikter men artyqshylyqtar qazaqstandyq jáne sheteldik qatysýshylar úshin de qoljetimdi bolady. ShYHO-da taýar ainalymy tsifrlandyrylýda. Bul keden baqylaýy protsesterin avtomattandyrýǵa jol ashady.
Qazirgi tańda qazaqstandyq investorlar úshin investitsiialyq nysandarda jumystaryn júzege asyrý maqsatynda baqylaý-ótkizý pýnkterinde táýliktik jumys rejimi máselesi sheshilgen. Qazaqstan men Qytai arasyndaǵy shekara mańy saýdasy men týrizmdi odan ári jandandyrýǵa kómektesý maqsatynda qytaidyń baqylaý-ótkizý pýnktinde 14 saǵattyq jumys rejimi iske qosylǵan.
.jpeg)