QR Premer-Ministri Baqytjan Saǵyntaev Úkimet otyrysynda aimaq ákimderine halyqty jylýmen qamtamasyz etý barysyn óz baqylaýlaryna alýdy, qatań baqylaýdy tapsyrdy.
Premer-Ministr jylý maýsymyna daiyndyq máselesi buǵan deiin Úkimet otyrystarynda birneshe márte kóterilgenin, aimaq ákimderi qysqa tolyq daiyn ekendikteri týraly baiandaǵanyn atap ótti. Alaida, aǵymdaǵy jyldyń qarasha aiynda aiaz shekten tys kúsheiip ketti. Sonyń saldarynan birqatar aimaqtarda jylytý peshteri isten shyǵyp, turǵyn úiler men áleýmettik nysandarǵa jylý jetpei qaldy.
Óz sózderinde Pavlodar, Qaraǵandy, Qostanai, Shyǵys Qazaqstan, Soltústik Qazaqstan, Aqmola oblystarynyń ákimderi jáne Almaty qalasynyń ákimi halyqty jylýmen qamtý, apattyq jaǵdailardy joiý sharalary týraly baiandady.
B. Saǵyntaev biylǵy jyly qystyń aiazdy jáne qarly bolýyna bailanysty, kómir qoryn qadaǵalap, birinshi kezekte turǵyn úiler men áleýmettik nysandardy jylýmen qamtamasyz etý máselesin atap aitty.
«Qurmetti áriptester, qurmetti ákimder, ózderińiz aityp otyrǵandai, qys endi bastaldy jáne jai bastalǵan joq. Sol sebepti, jylytý maýsymyn óz baqylaýlaryńyzǵa alýdy, qatal baqylaýǵa alýdy tapsyramyn. Asqar Uzaqbaiuly (QR Premer-Ministriniń birinshi orynbasary), úilestirý sizge tapsyrylady», - dedi B. Saǵyntaev.
"Ult aqparat"
