قر پرەمەر-مينيسترٸ باقىتجان ساعىنتاەۆ ٷكٸمەت وتىرىسىندا ايماق ەكٸمدەرٸنە حالىقتى جىلۋمەن قامتاماسىز ەتۋ بارىسىن ٶز باقىلاۋلارىنا الۋدى, قاتاڭ باقىلاۋدى تاپسىردى.
پرەمەر-مينيستر جىلۋ ماۋسىمىنا دايىندىق مەسەلەسٸ بۇعان دەيٸن ٷكٸمەت وتىرىستارىندا بٸرنەشە مەرتە كٶتەرٸلگەنٸن, ايماق ەكٸمدەرٸ قىسقا تولىق دايىن ەكەندٸكتەرٸ تۋرالى بايانداعانىن اتاپ ٶتتٸ. الايدا, اعىمداعى جىلدىڭ قاراشا ايىندا اياز شەكتەن تىس كٷشەيٸپ كەتتٸ. سونىڭ سالدارىنان بٸرقاتار ايماقتاردا جىلىتۋ پەشتەرٸ ٸستەن شىعىپ, تۇرعىن ٷيلەر مەن ەلەۋمەتتٸك نىساندارعا جىلۋ جەتپەي قالدى.
ٶز سٶزدەرٸندە پاۆلودار, قاراعاندى, قوستاناي, شىعىس قازاقستان, سولتٷستٸك قازاقستان, اقمولا وبلىستارىنىڭ ەكٸمدەرٸ جەنە الماتى قالاسىنىڭ ەكٸمٸ حالىقتى جىلۋمەن قامتۋ, اپاتتىق جاعدايلاردى جويۋ شارالارى تۋرالى باياندادى.
ب. ساعىنتاەۆ بيىلعى جىلى قىستىڭ ايازدى جەنە قارلى بولۋىنا بايلانىستى, كٶمٸر قورىن قاداعالاپ, بٸرٸنشٸ كەزەكتە تۇرعىن ٷيلەر مەن ەلەۋمەتتٸك نىسانداردى جىلۋمەن قامتاماسىز ەتۋ مەسەلەسٸن اتاپ ايتتى.
«قۇرمەتتٸ ەرٸپتەستەر, قۇرمەتتٸ ەكٸمدەر, ٶزدەرٸڭٸز ايتىپ وتىرعانداي, قىس ەندٸ باستالدى جەنە جاي باستالعان جوق. سول سەبەپتٸ, جىلىتۋ ماۋسىمىن ٶز باقىلاۋلارىڭىزعا الۋدى, قاتال باقىلاۋعا الۋدى تاپسىرامىن. اسقار ۇزاقبايۇلى (قر پرەمەر-مينيسترٸنٸڭ بٸرٸنشٸ ورىنباسارى), ٷيلەستٸرۋ سٸزگە تاپسىرىلادى», - دەدٸ ب. ساعىنتاەۆ.
"ۇلت اقپارات"
