Búgin Úkimet úiinde QR Premer-Ministri Baqytjan Saǵyntaev kompaniia prezidenti N. Daffin bastaǵan ExxonMobil Production Co. ókilderimen kezdesý ótkizdi, dep habarlaidy QR Úkimetiniń baspasóz qyzmeti.
Kezdesý barysynda ExxonMobil kompaniiasynyń Qazaqstandaǵy qazirgi qyzmeti týraly máseleler, sonyń ishinde Teńiz jáne Qashaǵan munai ken oryndaryn igerý jobalaryn iske asyrý máseleleri talqylandy.
Aita keteiik, kompaniia Qazaqstanda 1993 jyldan bastap jumys isteidi jáne elimizdegi alǵashqy iri investorlardyń biri.
ExxonMobil Teńizde ken orny bar «Teńizshevroil» JShS-inde - 25%, Qashaǵan ken orny men Kaspii qubyry jelisi konsortsiýmine 7,5% úleskerlik qatysýdy qamtityn Soltústik Kaspii boiynsha ónimderdi bólý týraly kelisim aiasynda 16,81% úleskerlik qatysýǵa ie.
