Saǵyntaev Elbasy tapsyrmalaryn iske asyrý boiynsha keńes ótkizdi

Búgin Úkimet úiinde QR Premer-Ministri Baqytjan Saǵyntaev Memleket basshysynyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty halyqqa Joldaýyn iske asyrý máseleleri, sondai-aq memlekettik organdardyń 2018 jylǵa arnalǵan negizgi mindetteri boiynsha keńes ótkizdi. Bul týraly primeminister.kz saitynda habarlandy.

Otyrys barysynda damýdyń baǵyttary boiynsha Premer-Ministrdiń orynbasary - aýyl sharýashylyǵy ministri Ó. Shókeevtiń, Syrtqy ister ministri Q. Ábdirahmanovtyń, Ulttyq ekonomika ministri T. Súleimenovtiń, Investitsiialar jáne damý ministri J. Qasymbektiń, Qarjy ministri B. Sultanovtyń, Din isteri jáne azamattyq qoǵam ministri N. Ermekbaevtyń, Qorǵanys jáne aeroǵarysh ónerkásibi ministri B. Atamqulovtyń, Ishki ister ministri Q. Qasymovtyń, Aqparat jáne kommýnikatsiialar ministri D. Abaevtyń, Ádilet ministri M. Beketaevtyń, Eńbek jáne halyqty áleýmettik qorǵaý ministri T. Dúisenovanyń, Bilim jáne ǵylym ministri E. Saǵadievtiń, Densaýlyq saqtaý ministri E. Birtanovtiń jáne taǵy basqalardyń aqparattary tyńdaldy.