Búgingi Úkimet otyrysynda Baqytjan Saǵyntaev QR Bilim jáne ǵylym ministri Erlan Saǵadievke oqýshylardyń júktemesin azaitý úshin tiisti jumystardy júrgizýdi tapsyrdy, dep habarlaidy Baq.kz.
Aldymen premer-ministr Bilim ministrine balalardy jastaiynan damytýǵa arnalǵan baǵdarlama jasaý úshin arnaiy usynystar berý qajettigin aitty.
«Balalardy jastaiynan damytý boiynsha usynystar berýlerińizdi suraimyn. Sondai-aq ol baǵdarlamany 2019 jyldyń 1 qyrkúieginen iske qosý úshin usynystaryńyz qajet», - dedi Baqytjan Saǵyntaev.
Sondai-aq, ol Erlan Saǵadievke oqýshylardyń júktemesin azaitý baǵytynda tiisti jumystardy júrgizýdi tapsyrdy.
«TMD memleketteri men Ekonomikalyq yntymaqtastyq jáne damý uiymy elderiniń tájiribesin qarastyryp, oqýshylardyń júktemesin azaitý boiynsha usynystar berýlerińizdi suraimyn», - dedi Úkimet basshysy.
Sonymen qatar Baqytjan Saǵyntaev aldaǵy ýaqytta gýmanitarlyq jáne jaratylystaný ǵylymdary boiynsha bilim beretin mekemelerdiń jumys sapasyn kóterý qajettigin atap ótti.
«Pedagogikalyq baǵyttaǵy joǵary oqý oryndaryndaǵy kafedra jáne fakýltetterdi damytý boiynsha tiisti sharalar júrgizýlerińizdi tapsyramyn. Bilim berýdiń barlyq deńgeiinde matematika jáne jaratylystaný ǵylymdaryn oqytýdyń sapasyn kóterýdi tapsyramyn. Sondai-aq tsifrlyq bilim berý resýrstaryn damytý boiynsha jumystardy jalǵastyra berińizder», - dedi premer-ministr.
