Para aldy degen kúdikpen qamaýǵa alynǵan Atyraý oblysy ákiminiń burynǵy orynbasary Baqytgúl Hamenovanyń sot otyrysy taǵy on kúnge shegerildi, dep habarlaidy Ulysmedia.kz.
3 qazanǵa belgilengen sot otyrysyn sýdianyń aýyryp qalýyna bailanysty keiinge qaldyrǵan.
Al bul kezde sot zalynda Baqytgúl Hamenovanyń advokattary men qoldaýshylary otyrystyń bastalýyn asyǵa kútip otyrǵan.
Sot protsesi bastalar ýaqytta qalalyq sot qyzmetkerleri sýdia Jumaǵali Tashimovtyń aýyryp qalýyna bailanysty otyrys keiinge shegerilgenin jetkizdi. Osy joly otyrysta taraptardyń jaryssózderi bastalýy kerek edi. Prokýror aiyptaý aktisin oqýy tiis bolǵan.
Eske sala keteiik, Baqytgúl Hamenova men óńirlik mádeniet, arhivter jáne qujattama basqarmasynyń basshysy Aqylbek Rysqalievke qatysty tergeý 2021 jyldyń jeltoqsan aiynda bastalǵan.
Sybailas jemqorlyqqa qarsy qyzmettiń málimetinshe, olar Atyraýda Abai eskertkishin ornatý úshin JShS basshysynan 4,5 mln teńge para aldy degen kúdikke ilingen.
