21 qazanda Atyraý oblysy ákiminiń burynǵy orynbasary Baqytgúl Hamenovanyń isi boiynsha kezekti sot otyrysy ótti, - dep habarlaidy Tengrinews.kz agenttigi "Aq Jaiyq" basylymyna silteme jasap.
Basylym málimetinshe, otyrys barysynda Hamenovanyń advokaty Igor Vranchev tergeý izoliatoryndaǵy qorǵaýshysyna qatysty bultartpaý sharasyn úi qamaǵyna nemese ketpeý týraly qolhatqa ózgertý týraly ótinish bildirgen.
Hamenova bul ótinishti qoldaǵan.
"Bilmeimin, múmkin adamdar ózderin jaqsy sezinetin shyǵar, biraq ár saǵat, kútken árbir sát - ýaqyt, bul adam taǵdyry, sondyqtan qurmetti sot, men advokatymnyń aitqanymen kelisemin", - dedi Hamenova.
Al prokýror qarsylyq bildirip, ótinishti qanaǵattandyrýdan bas tartýdy suraǵan, óitkeni Hamenovaǵa qatysty aiyp aýyr qylmys sanalady.
Sýdia Jumaǵali Táshimov keńesý bólmesine shyǵyp, qaityp kelgende, aiyptyń aýyrlyǵyn eskere otyryp, advokat Vranchevtiń ótinishin qanaǵattandyrýdan bas tartýǵa sheshim qabyldaǵan.
Sottyń kelesi otyrysy 27 qazanǵa belgilengen.
Eske salaiyq, Atyraý oblysy ákiminiń burynǵy orynbasary Baqytgúl Hamenova 2021 jylǵy 10 jeltoqsanda ustalǵan edi. Hamenova men oblystyq mádeniet basqarmasynyń basshysy Aqylbek Rysqaliev Atyraýda Abai Qunanbaev eskertkishin ornatýǵa memlekettik satyp alý shartyn jasaǵany úshin 4,5 million teńge kóleminde para aldy degen kúdikke ilingen bolatyn.
