21 قازاندا اتىراۋ وبلىسى ەكٸمٸنٸڭ بۇرىنعى ورىنباسارى باقىتگٷل حامەنوۆانىڭ ٸسٸ بويىنشا كەزەكتٸ سوت وتىرىسى ٶتتٸ, - دەپ حابارلايدى Tengrinews.kz اگەنتتٸگٸ "اق جايىق" باسىلىمىنا سٸلتەمە جاساپ.
باسىلىم مەلٸمەتٸنشە, وتىرىس بارىسىندا حامەنوۆانىڭ ادۆوكاتى يگور ۆرانچەۆ تەرگەۋ يزولياتورىنداعى قورعاۋشىسىنا قاتىستى بۇلتارتپاۋ شاراسىن ٷي قاماعىنا نەمەسە كەتپەۋ تۋرالى قولحاتقا ٶزگەرتۋ تۋرالى ٶتٸنٸش بٸلدٸرگەن.
حامەنوۆا بۇل ٶتٸنٸشتٸ قولداعان.
"بٸلمەيمٸن, مٷمكٸن ادامدار ٶزدەرٸن جاقسى سەزٸنەتٸن شىعار, بٸراق ەر ساعات, كٷتكەن ەربٸر سەت - ۋاقىت, بۇل ادام تاعدىرى, سوندىقتان قۇرمەتتٸ سوت, مەن ادۆوكاتىمنىڭ ايتقانىمەن كەلٸسەمٸن", - دەدٸ حامەنوۆا.
ال پروكۋرور قارسىلىق بٸلدٸرٸپ, ٶتٸنٸشتٸ قاناعاتتاندىرۋدان باس تارتۋدى سۇراعان, ٶيتكەنٸ حامەنوۆاعا قاتىستى ايىپ اۋىر قىلمىس سانالادى.
سۋديا جۇماعالي تەشٸموۆ كەڭەسۋ بٶلمەسٸنە شىعىپ, قايتىپ كەلگەندە, ايىپتىڭ اۋىرلىعىن ەسكەرە وتىرىپ, ادۆوكات ۆرانچەۆتٸڭ ٶتٸنٸشٸن قاناعاتتاندىرۋدان باس تارتۋعا شەشٸم قابىلداعان.
سوتتىڭ كەلەسٸ وتىرىسى 27 قازانعا بەلگٸلەنگەن.
ەسكە سالايىق, اتىراۋ وبلىسى ەكٸمٸنٸڭ بۇرىنعى ورىنباسارى باقىتگٷل حامەنوۆا 2021 جىلعى 10 جەلتوقساندا ۇستالعان ەدٸ. حامەنوۆا مەن وبلىستىق مەدەنيەت باسقارماسىنىڭ باسشىسى اقىلبەك رىسقاليەۆ اتىراۋدا اباي قۇنانباەۆ ەسكەرتكٸشٸن ورناتۋعا مەملەكەتتٸك ساتىپ الۋ شارتىن جاساعانى ٷشٸن 4,5 ميلليون تەڭگە كٶلەمٸندە پارا الدى دەگەن كٷدٸككە ٸلٸنگەن بولاتىن.
